We use cookies to ensure we give you the best experience of our website. By accepting, you agree to the use of cookies as described in our privacy policy.

  • We think you're in United States, so we've set your language to International English.
    You can change this at any time.

Tētahi tū whakahaere hou

E whakakakotahi mai ana i ngā akoranga ahumahinga me te whakangunu ā-tuihono, ā-wāhi-mahi, ā-kura hoki mā tētahi kōtuituinga mauroa e taea ōna ratonga e tēnā, e tēnei rohe.

Te pohewa anō i te mātauranga ahumahinga

Ka tū te Te Pūkenga ko ia te kaituku mātauranga nui rawa o Aotearoa, ā, ka riro māna anō e totoro ki tēnā, ki tēnā rohe hei hoa whakangungu pūkenga mō te wā roa mō ngā pakihi me ngā ahumahi kia taea e ngā tauira te neke i waenga i ngā wāhi-mahi me ētahi atu akoranga, wāhi hoki ina ka rerekē ō rātou hiahia.

Ka noho ia hei taupunga mō tētahi pūnaha ahumahinga piritahi, mauroa hoki e hāpai ana i te oranga o ngā tāngata katoa o Aotearoa me te ohanga tipu e mahia ana mō te katoa.

Ka āwhina mātou kia neke a Aotearoa ki tētahi pūnaha mātauranga ahumahinga ko ngā tauira tonu te pūtake – mai i te āhua, kia rite ki te ako, ki te ako me ōna āhuatanga e rite ana ki te tangata me tōna ao te oranga, mō te roa o tōna oranga.

Kei te panoni te mātauranga ahumahinga i Aotearoa. Engari, he haerenga roa tēnei.

He whakawhitinga kōrero hou tēnei me ngā tauira – mai i te aha, me te wāhi e ako ana koe ki ngā momo huarahi ako kia rite tahi ki te huri o te ao.

Ka noho hei huarahi ako hou, whaimana, he huarahi whaihua, whaitake hoki ki ngā tāngata – he ngāwari ake te whai wāhi atu ki ngā akoranga me te neke haere i waenga i ngā wāhi ako.

Ko Te Pūkenga mātou | This is Te Pūkenga

Ko te pū o te harakeke te hiringa o tō mātou tuakiri. Arā, ko tōna wāhanga kaha ko te huinga pū o ngā aho.

Ahakoa he miro takitahi tātou katoa, kia pūpūtia ka kaha kē atu.

Ki konei, ka tuaringia e mātou he tirohanga hei whakawhiti mātauranga, pūkenga hoki.

Kotahi tonu te kaupapa o te whakaako me te ako, hei tuitui i te onamata ki te anamata tipu ora.

Nāu te rourou, nāku te rourou.

Ko pūtake mai tō mātou kaha i tēnei wāhi – ā, ka whakamahia ki te tautoko ki te hāpai ake tētahi i tētahi.

Koinei te pūtake e tipu ake ai, e puāwai hoki ai tātou katoa.

Ko Te Pūkenga tēnei.

Te Pūkenga word mark

Mō te whakahoutanga

Ko te Whakahoutanga o te Mātauranga Ahumahinga (RoVE) te panoni nui rawa atu mō te mātauranga ahumahinga i roto i ngā tau 25 kua pahure ake.

Ko te ngako o tēnei whakahoutanga ko ngā tino panoni e whitu kua waihangatia ki tū pakari, kia tū kotahi tētahi pūnaha mātauranga ahumahinga mauroa e tika ana mō te āpōpō o te mahi, e whakarato ana i ngā pūkenga e hiahiatia ana kia tipu ora ngā tauira, ngā kaitukumahi me ngā hapori.

  1. Te waihanga Workforce Development Councils kia riro mā ngā ahumahi e ārahi te mātauranga ahumahinga.
  2. Te whakatū Regional Skills Leadership Groups mā rātou e tohutohu ki te Amorangi Mātauranga Matua (TEC), ngā kaunihera whanake ohumahi, me ngā kaituku mātauranga ahumahinga  e pā ana ki ngā pūkenga e hiahiatia ana i roto i ngā rohe.
  3. Te whakatū Te Taumata Aronui , hei āwhina i te whanaketanga o te pūnaha mātauranga ahumahinga, pēnei i te kaupapa whakahou i te pūnaha mātauranga matua (RoVE) kia pai ake tana tautoko i ngā wawata me te whakaata i ngā hiahia o ngā tauira Māori, ngā hapori me ngā kaitukumahi.
  4. Te waihanga te kōtuituinga tū kotahi, mauroa, tūmatanui hoki he ngāwari ake ki ngā rohe te whai wāhi ki ngā akoranga, ko tōna ingoa tautapa ko New Zealand Institute of Skills and Technology.
  5. Kia nekehia te kawenga o te hāpai i te ako wāhi-mahi mai i ngā Whakahaere Whakangungu Ahumahi (ITOs) ki ngā kaituku akoranga , mā reira e ngāwari ai te whakaurunga i waenga i aua rōpū e rua kia tutuki ai ngā hiahia ahumahi.
  6. Te whakatū Centres of Vocational Excellence e tipu ai te tuku mātauranga ahumahinga, me te tuari marau, whakaakoranga tino kounga puta noa i te pūnaha.
  7. Te whakakotahi i te pūnaha tuku pūtea mātauranga ahumahinga, kia hāngai ki te katoa o ngā kaituku akoranga me te whakangungu ā-wāhi-mahi, ahumahi hoki.

He kōrero anō

Mō ngā kōrero o tēnei wā mō te kaupapa whānui o RoVE, toro atu ki te pae tukutuku o
Te Amorangi Mātauranga Matua.

Mō ētahi atu kōrero mō ngā whakahoutanga, toro atu ki te whakawhiti kōrero ki Kōrero Mātauranga.

Kei te hiahia kōrero anō?

Me whakapā mai mā te waea, te īmēra rānei, me haere rānei ki te whārangi Kaitukumahi mō ngā whakapānga akoranga.

0800 VOCATION
0800 86 22 84

Īmēra mai

Whārangi Kaitukumahi

Stay in touch

For personalised news and updates from Te Pūkenga.

Please complete all of the fields below.

Please enter a valid email address.

Please enter a first name.

Please enter a last name.

Please select a country.

Please select a valid date (MM/YYYY).

You can unsubscribe at any time By submitting this form I agree to Te Pūkenga – New Zealand Institute of Skills and Technology Privacy Policy, and to receive updates and marketing communications about their services, promotions, special offers, new and events.

Thanks for subscribing

Close