We use cookies to ensure we give you the best experience of our website. By accepting, you agree to the use of cookies as described in our privacy policy.

  • We think you're in United States, so we've set your language to International English.
    You can change this at any time.
Mō Te Pūkenga » Pātai auau

Pātai auau

  • Kua tau a Aotearoa ki Kia Mataara Taumata 1.

    Mō ētahi atu kōrero mō Alert Levels  pērā i ngā tohutohu hauora me taupā ā-haerenga, haere ki te pae o te Kāwanatanga Unite for Recovery .

    Mō ngā kaituku akoranga, haere ki te pae o te Ministry of Education  mō ngā kōrero e pā ana ki COVID-19. 

    Mō ngā ākonga, haere ki ngā pae o StudyLink  me te Ministry of Education , me kōrero rānei ki tō kaituku akoranga mō ētahi atu.

    Mō te tautoko i te taha hauora hinengaro me te oranga, haere ki Mental Health Foundation  me NauMaI  mō ngā rauemi tuihono me ngā tohutohu.

    Kia mau, kia mōhio ki ngā kōrero hou:

    Mō ngā whakautu ki ngā pātai mō te Tahua Ākonga me ngā Utu mō te Noho tirohia te pae o StudyLink .

    Mō ngā tohutohu hauora, tirohia te Ministry of Health website .

    Mā te mau Ārai Kanohi e iti haere ai te hora o te urutā COVID-19. Me mātua tirotiro ngā kaimahi me ngā ākonga i ngā tikanga whakamau ārai kanohi o te wāhi ako.

    Mō ētahi atu kōrero mō te whakamau ārai kanohi , toro atu ki te paetukutuku a te Kāwanatanga o Aotearoa Unite for Recovery .

  • Ko te whāinga o te Whakahoutanga o te Mātauranga Ahumahinga (RoVE) he waihanga i tētahi pūnaha mātauranga ahumahinga me te whakangungu kia pakari, kia tū kotahi, kia tika hoki mō te mahi mō ngā rā ki tua, kia tuku hoki i ngā pūkenga tika e tipu ora ai ngā tauira, ngā kaitukumahi me ngā hapori.

    Kei tēnei whakahoutanga ngā panoni e whitu, ko tētahi ko te waihanga i Te Pūkenga – New Zealand Institute of Skills and Technology.

    Ko tā te pūnaha hou nei he whakarite kia noho ko te tauira, te ākonga rānei te pūtake, ā, ka kaha ake te arotahi ki ngā kaitukumahi: te tuku i ngā pūkenga e hiahia nei rātou, kia kaha hoki te tautoko i ērā kei roto i te whakangungu wāhi-mahi, me te whai kia ōrite te ako ahumahinga huri noa i te motu.

    Ka kaha kē atu te tautoko i ngā tauira i a rātou e whakangungutia ana, ka kaha ake hoki te whaihua o ngā mōhiotanga me ngā pūkenga e ai ki ngā hiahia o te ahumahi. Ka ngāwari ake mō rātou te neke haere i waenga i ngā rohe me ngā kaupapa whakangungu i te mahi, i te kura, ā-tuihono hoki.

    E whakaata ana ēnei panoni i tā te Kāwanatanga tautoko i te whakahoatanga Māori-Karauna.

    Me mātua whai tātou kia rite a Aotearoa mō te āpōpō tere panoni mō ngā pūkenga, te ako me te mahi. Mā te pūnaha mātauranga ahumahinga kotahi, pūnaha pakari e pai ake ai te hauora mō ngā tāngata katoa o Aotearoa me te tautoko i te ohanga whanake hei painga mō te katoa.

    He kaha te huri haere o te ao mahi. Me pērā hoki te mātauranga ahumahinga kia takatū kia noho tōmua i ngā panoni nei me te tautoko i ngā tauira, ngā kaitukumahi me ā rātou hapori i roto i te ao hurihuri nei.

    Arā kē te kōpaka o ngā pūkenga i ētahi o ngā rāngai ahumahi me te aha, kāore e rite ana i ō nāianei pūnaha mātauranga ahumahinga ngā hiahia o ngā tauira, ngā kaitukumahi, ngā rohe rānei.

    Kāore hoki i pai ngā ratonga a te pūnaha o tēnei wā mō ētahi rōpū tauira pērā i ngā Māori, ngā Pasifika, ngā tauira whaikaha me ngā tauira me ngā matea ako whāiti.

    E mahitahi ana ngā ITP ināianei tē whakataetae ai tētahi ki tētahi. Nō te 1 o Paengawhāwhā ka huri ērā hei kamupene āpiti nā Te Pūkenga, ā, ka whai ia kamupene āpiti i tōna ake poari kaiwhakahaere.

    I te wā poto e haere ake nei, kāore e tino kitea ngā panoni – ko ngā utu me ngā whakaakoranga ka noho pērā tonu mō ngā tauira mō te roanga atu o 2020. Engari, kia mōhio mai e mahi ana ngā kamupene āpiti katoa ki te whakahaere i te mātauranga me te ako i roto i te wā o te Paoho Taumata 4.

    Nō te 1 o Paengawhāwhā ka huri ngā ITO hei ITO whakawhiti. I roto i te huringa o te wā ka whakawhitingia tō rātou kawenga mō te tautoko i te ako me te aromatawai ki ngā kaituku akoranga ahumahinga.

    Ka āhua roa te wā mō tēnei whakawhitinga, ā, ka āta whakahaeretia kia kore ai e haukotia te whakangungu mō ngā tauira wahi-mahi. Nā runga i ngā  tikanga o Paoho Taumata 4, ka whai tohutohu ngā tauira wāhi-mahi mō ngā panoni ki ā rātou akoranga mai i ngā kaitukumahi me ngā ITO.

    Ko tētahi whāinga mātāmua o te whakahou mātauranga ahumahinga kia pai ake te aronga ki ngā hiahia o ngā hapori Māori me te whakaae ko ngā Māori he kaitukumahi whaitake tonu me ō rātou ake whāinga pāpori, ōhanga hoki.

    Mā ngā panoni nei e whakaraupapa ngā tauira kua mahue i ngā ratonga o te pūnaha o mua, pērā i ngā Māori.

    Kua whakatūria tētahi rōpū – ko Te Taumata Aronui tōna ingoa, ā, ko tāna he mātua whai kia whakaatangia i ngā panoni te ngākau nui o te Kāwanatanga ki te whakahoatanga i waenga i a Ngāi Māori me te Karauna. Mā te rōpū nei e tuku ngā whakaaro o ngā hapori me ngā kaitukumahi Māori mō te mātauranga matua, otirā, te mātauranga ahumahinga me te whakangungu.

    Kao. Mā ngā ITP āpiti o Te Pūkenga me ngā ITO Whakawhiti e tuku te mātauranga ahumahinga me te whakangunu puta noa i Aotearoa.

    Mō tēnei wā ka mau tonu ia ITP ki tōna ingoa ake. Atu i 1 Paengawhāwhā ka whai ingoa kamupene hou hei whakaahua i tō rātou tūranga ā-ture hei kamupene whāiti.

  • Ka āta whakauruuru haeretia ngā panoni. Hāunga ko ngā ritenga i raro i te Alert Level 4 a te Kāwanatanga o Aotearoa, kāore e rerekē te āhua mō ngā tauira mō te tau 2020.

    Ka āhei tonu ngā tauira ki te whakaoti i ā rātou tohu mātauranga me tō rātou kaituku akoranga o tēnei wā, ā, ka mau tonu te ingoa o taua kaituku akoranga ki tā rātou tohu mātauranga.

    Ka āhei tonu rātou ki te whakauru ki tētahi atu kaupapa, me ngā kaupapa he roa atu i te kotahi tau.

    Ka pērā tonu ngā ratonga tautoko, ngā utu me ngā hononga tauira ki ngā whakahaere pēnei i StudyLink.

    Kia whakauruuru haeretia ngā panoni, ka kaha ake te whai wāhi a ngā tauira ki ngā akoranga tino kounga i te wāhi mahi, i te kura hoki. Ka māmā ake hoki mō ngā tauira ki te neke haere mai i te wāhi mahi, i te kura me te ako tuihono. 

    Waihoki ka māmā ake te whakawhiti mai i tētahi rohe o Aotearoa ki tētahi atu ki te ako, ā, me te aha, kāore ā rātou tohu mātauranga e whakararua.

    Ka kaha hoki te whai wāhi a ngā ahumahi ki te whakarite paerewa mā ngā tauira, me te whakarite hoki he mea whaihua tonu ngā akoranga ki ngā kaitukumahi.

    Ka kaha ake hoki te tautoko i ngā tauira kia tutuki ā rātou ake whāinga.

    Ka nui ake hoki ngā huarahi mō ngā tauira kei ngā kāinga mamao o Aotearoa e noho ana.

    Ko tētahi whāinga o ngā panoni he whakaraupapa i ērā tauira kāore he painga o te pūnaha o mua mō rātou. Koinei ngā tauira Māori, tauira Pasifika hoki, ā, ko rātou tonu te tokomaha o ngā kaimahi o āpōpō.

    Ko tā te pūnaha hou he whai kia pai ake te whai wāhi a ngā tauira Māori, Pasifika hoki ki te mātauranga kounga.

    I roto i te huringa o te wā, ka māmā ake mō ngā tauira kua whakaurua ki tētahi akoranga ki te whakawhiti ki tētahi atu rohe. Ka āhei hoki ngā tauira ki te noho tata ki ō rātou whānau, kia whai tautoko ai te whānau i a rātou e ako ana.

    Mā ngā panoni hoki e reo kaha ake ai te reo o ngā umanga Māori me ngā iwi.

    Ko tētahi whāinga o ngā panoni ko te whakaraupapa i ngā tauira kāore i whai painga i te pūnaha o mua, pērā i ngā tauira whaikaha me ngā tauira whai matea ako whāiti. Ka noho te whai wāhitanga ki te pūtake o te pūnaha hou.

    Mā ngā panoni e kaha ake te whai wāhi o te mātauranga ahumahinga mō te hunga whaikaha, e hiahia ana rānei i te tautoko kaha ake.

    Ka kaha ake hoki ngā hononga i waenga i ngā kaituku akoranga me ngā kura, i waenga hoki i ngā kaituku akoranga me ngā kaitukumahi. Mā konei e āwhinatia ai te hunga whaikaha, matea ako kaha ake kia kuhu ki te mātauranga me te whakangungu, ki te mahi anō hoki.

    I tēnei wā, e noho haepapa ana ngā Whakahaere Whakangungu Ahumahi (ITO) kia kaua rawa te hunga whaikaha e whakahāweatia. Kia riro mā ngā kaituku mātauranga ahumahinga e whakahaere i te whakangungu wāhi mahi, ka noho ki a rātou anō tēnei kawenga.

  • Ka āta whakauruuru haeretia ngā panoni. I tēnei wā, kei te whakarite urupare ngā ITP ki te Alert Level 4 me ōna anō āhuatanga.

    Ka āhei tonu ngā tauira ā-ao whānui ki te whai i ā rātou whāinga i raro i ngā whakaritenga ako kua whakatau kētia mō rātou, me ngā utu,  
    ngā     pane uruwhenua ōrite hoki. Ka whai mana tonu ā rātou akoranga, tohu mātauranga hoki.

    Ka āhei tonu ngā tauira ā-ao whānui ki te whakauru akoranga ki Aotearoa i raro anō i ngā herenga o Alert Level 4.

    Ka mau tonu ngā pane uruwhenua me ngā whakaritenga akoranga. Ka whai mana tonu ngā akoranga me ngā tohu mātauranga.

    Ka āhei tonu ngā tauira ki te whakaoti i ngā whakaakoranga me ngā whakangungutanga kua tīmata kē.

    Kia uru haere te pūnaha hou, ka kaha ake te whai wāhitanga mō ngā tauira ā-ao whanui ki ngā akoranga tino kounga i roto i te wāhi mahi me ngā kura hoki. Ka māmā ake hoki mō rātou te neke haere i waenga i ngā akoranga wāhi mahi, te kura me te ako tuihono.

    Waihoki ka māmā ake te whakawhiti mai i tētahi rohe o Aotearoa ki tētahi atu ki te ako, ā, me te aha, kāore ā rātou tohu mātauranga e whakararua.

    Ka kaha hoki te whai wāhi a ngā ahumahi ki te whakarite paerewa mā ngā tauira, me te whakarite hoki he mea whaihua tonu ngā akoranga ki ngā kaitukumahi.

    Ka kaha ake hoki te tautoko i ngā tauira kia tutuki ā rātou ake whāinga.

     

     

  • Ka āta whakauruuru haeretia ngā panoni. I tēnei wā, kei te whakarite urupare ngā ITP ki te Alert Level 4 me ōna anō āhuatanga. 

    Ka āhei tonu ngā tauira whai piatanga, e whakangungua ana rānei i ngā Whakahaere Whakangungu Ahumahi (ITO), ngā Kuratini (ITP) ki te whai whakangungutanga mō ngā tau e rua kei te tū mai.

    Kāore te ara tuku kaimahi whai pūkenga e whakararua, ā, ka āhei tonu ngā tauira ki te whakauru whakangungutanga.

    Ko tā te Whakahoutanga Mātauranga Ahumahinga he whai ki te āwhina i ngā kaitukumahi ki te tango tāngata kua whakangungua paitia, kua rite hoki ki te mahi – kia whakatere ake i te urunga o ngā tāngata ki te mahi.

    I raro i ngā panoni, ka noho tonu ngā piatanga me te whakangungu i roto i te mahi hei whāinga mātāmua. Kāore ēnei e whakakapia e te ako ā-kura.

    Ka kaha ake te awenga o ngā ahumahi me ngā kaitukumahi i runga i ngā whakaakoranga me ngā whakangungu hoki, kia mātua whakarite kia whiwhi ngā tauira i ngā pūkenga tika mō te mahi.

    Kua waihangatia ētahi Kaunihera Whanake Ohumahi (WDC) e ono kia riro mā ngā ahumahi e ārahi i te mātauranga ahumahinga me te whakangungu. 

    Ko ētahi haepapatanga o ngā kaunihera ko te tuku tohutohu haumi, te tautohu matea pūkenga mō tēnei wā, mō āpōpō hoki, te waihanga tohu mātauranga, me te whakarite paerewa.

    Ka whai reo hoki ngā rohe ki ngā mahi whakamahere mō te mahi me ngā pūkenga kei te hiahiatia.

    Ka āta whakahaeretia te whakawhitinga me te whakaurunga o te maha o ngā wāhanga rerekē ki tētahi pūnaha piritahi hou.

Stay in touch

For personalised news and updates from Te Pūkenga.

Please complete all of the fields below.

Please enter a valid email address.

Please enter a first name.

Please enter a last name.

Please select a country.

Please select a valid date (MM/YYYY).

You can unsubscribe at any time By submitting this form I agree to Te Pūkenga – New Zealand Institute of Skills and Technology Privacy Policy, and to receive updates and marketing communications about their services, promotions, special offers, new and events.

Thanks for subscribing

Close