We use cookies to ensure we give you the best experience of our website. By accepting, you agree to the use of cookies as described in our privacy policy.

Three young learners looking into large text book

An update from Te Pūkenga - June 2021

Kia ora koutou

I te marama kua taha ake kua taea e mātou ētahi tohu nui, hei whakaatu rawa i te kauneke o tā mātou mahi me te pukumahi, te ngākaunui o ngā whānau puta noa i ngā āpitihanga me ngā Whakahaere Whakangungu Ahumahi Whakawhiti (ngā TITO) hei whakatū i Te Pūkenga hei kōtuinga whakakotahi i te ako ahumahinga.

Hei ngā marama kei te tū mai ka neke te tokowhā tuatahi o ngā Whakahaere Whangungu Ahumahi Whakawhiti ki Te Pūkenga. Ka whiti mai ko Competenz, ko Connexis, ko te BCITO me MITO hei wāhanga pakihi o roto o tā Te Pūkenga Āpitihanga Ako Wāhi Mahi. Hei whakarite i ngā mahi hei whakatū i tēnei āpitihanga hou, kua tukua he pānui mō te tūranga o te Kaiwhakahaere Matua.

Hei tīmatanga pai tēnei mō te tukanga whakawhiti ā, ko tā te Kaiwhakahaere Matua mahi he tautoko i ā tātou whānau TITO kia whakawhiti mai. Ka mahitahi anō hoki me mātou ko ngā Kaiwhakahaere Mātāmua o ā tātou āpitihanga katoa ki te whakatinana i te tauira whakahaere ki te mātua whakarite hoki kia pai ngā tukunga ki mō ngā ākonga, ngā kaitukumahi, ahumahi hoki.

E koa ana mātou i te tukunga i tā Te Pūkenga Pūrango ā-Tau tuatahi i tērā marama. Koia tētahi tauira o ngā mahi nui whakahirahira kia whakakao mai i ngā pārongo i ngā āpitihanga 16 kia oti mai tētahi tirohanga kotahi ki ngā Pūtahi Hangarau me ngā Kuratini o Aotearoa.

Ko tā te Pūrongo he tirotiro i ngā marama e 9 mai i te whakatūhanga o Te Pūkenga i te 1 o Āperira 2020 tae atu ki 31 o Tīhema 2020. Me ōna āpitihanga 16, ōna ākonga 153,900, ngā kura 150 me tōna 8,000 kaimahi FTE, ka whakaaturia e te pūrongo te hanga me te rahi o Te Pūkenga. Kāore e whāiti mai ana ki aua tatauranga ngā TITO, ā rātou pia rānei, ngā kaitukumahi, ngā kaimahi rānei. Ka tāria e au te putanga ake o te pikitia nui o te mātauranga ahumahinga i ngā tau kei te heke mai. Kei te wātea ināianei te Pūrongo ā-Tau 2020 i tā mātou paetukutuku.

He tauira noa iho ēnei o ngā mahi kei te haere i tēnei marama – arā anō ētahi atu mahi kei te kawea. Pānuitia ngā kōrero i raro nei. Mā mātou anō e whakaputa he kōrero hou i ia marama mō ngā āhuatanga papai rawa me te kauneke haere o ngā mahi.

Ngā mihi
Stephen Town
Kaiwhakahaere Mātāmua

News from our friends

New forestry scholarships encourage more people into a career in forestry 

Education Leaders Forum 

Unitec students take out top spots at the 2021 NZCB Apprentice Challenge sponsored by ITM 

Modes of learning for work-based health and wellbeing programmes

Kia pā tonu mai: Kei mahue koe i ngā kōrero hou

Rēhita