Ahakoa he paku atu i te iwa marama e tū ana a Te Pūkenga, ā, paku ake hoki i te ono marama mai te wā i tīmata au hei kaiwhakahaere mātamua tuatahi, me pēnei noa – he roa ke atu te wā, inā te nui o ngā mahi kua tutuki. E noho whakahīhī ahau i runga i te āhua me te nui o ngā mahi kua oti i tētahi tau – inā hoki ngā mātātaki anō o te KORONA – 19. Ahakoa te poto o te wā, kua roa te ara i takahia, ā, kei te kite atu au i te uranga mai o te rā i runga i te pae tawhiti.
Ko tētahi mahi nui e takoto ana hei tūāpapa mō mātou ko te tauira whakahaere. Arā te tīma mai i Te Pūkenga me EY, e mahitahi ana i ngā wiki kua taha ake ki te whakatakoto i te ara ka whāia mō te tau 2021 – i runga i te hoahoa ngātahi, te whakaanga whānui me te whakawhiti ōkawa – e oti ai tētahi kaupapa pakihi e whakaahua ana i te tauira whakahaere, ka tāpaetia atu ki te Minita Mātauranga. Ka taea e koe te pānui i te roanga atu o ngā kōrero mō tā mātou tauira whakahaere ki te tirotiro hoki i te rārangi wā e kōrerotia ana i raro nei. He nui te mahi hei mahi, ā, e ngākaunui ana mātou kia oti tika, kia whai wāhi ai ngā tāngata katoa e hiahia ana ki te tukanga.
He akoranga whaihua – kia waihanga i te ao o āpōpō.
Kia tīmata tātou i runga i tēnei haerenga ki te waihanga o te ao o āpōpō, e harikoa ana au ki te tuku, te tuari i tā mātou tirohanga roa, pūtake, ngā whāinga mātauranga tōmua me ngā uara hei paihere, hei ārahi i ā mātou mahi kaitiaki, whakahaere hoki. Tērā e paku rerekē haere ēnei i roto i te hurunga o te wā, e tika ana kia tū ake mai te rama hei arataki i tā mātou mahi. Pānuitia ētahi atu kōrero i raro nei.
Kia hoki tātou ki aua mahi – tērā pea, kāore he tirohanga pai ake i tērā e kitea ana i roto i tā mātou BIM, arā He Tohutohu ki te Minita Tomo Mai. I whakaritea tā mātou BIM kia mārama ai te Minita Mātauranga ki tā mātou kawenga i roto i te pūnaha mātauranga matua.
He mea pai tērā hei tiro noa i te āhua o tā mātou mahi e ai ki ngā whakahau o tēnei wā. Me whai wā pea kia pānui i ngā kōrero – i raro pea i tētahi rākau taumarumaru, i te taha o te moana rānei, i ngā hararei raumati nei?
Ngā hararaei! Ko tātou tēnei kua whakapau kaha i tēnei tau. Āe rā, me whai wā whakatā ahau, a koutou hoki. Ahakoa kei hea koe e hararei ana, ko te tūmanako ka whai koe kia whakatā, kia pūrea e ngā hau, ā, kia hau ora anō. Ehara! Ko te tau kei te tū mai, ka nui anō ngā mātātaki, engari me kōkiri whakamua tonu i runga whakaaro pai, whakaaro kotahi.
Meri Kirihimete
Ngā mihi
Stephen Town
Kaiwhakahaere Mātāmua
Ngā Tohutohu ki te Minita Tomo Mai
Kua tāpaetia Ngā Tohutohu ki te Minita Tomo Mai (BIM) ki Hon Chris Hipkins i Noema 2020.
He rongo kōrero mai i ō mātou hoa
NorthTec is delighted to announce the appointment of its new Chief Executive
Record 16,000 apprentices in building trades training
ARA is the first ITP to gain IRDs 'Approved Researcher Provider' status
We'll be back with our next newsletter in February 2021 - Enjoy a safe and restful summer
