We use cookies to ensure we give you the best experience of our website. By accepting, you agree to the use of cookies as described in our privacy policy.

Three young learners looking into large text book

An update from Te Pūkenga - May 2021

Kia ora koutou

Arā, te kōrero mai i ō tātou hoa i Whitireia mō Rosalie Maiava-Zajkowski, he tāura mahi pāpori hei whakamahara pai i a tātou ki tā tātou tino pūtake: He akoranga whaihua – kia waihanga i te ao o āpōpō.

Ka whakaaro iho a Rosalie ki ngā āhuatanga i whakahihiko i a ia, me ērā āhuatanga i taea ai e ia ngā taumata o angitu. Me pēnei noa ake, ko te koronga ki te tautoko i ngā hapori Hāmoa, Pasifika hoki, koia tōna ngākau, ā, nā tōna whānau anō ia i tautoko kia tutuki i ia tana ako. I a tātou e hikoi ana i te ara hoahoa mō tā mātou tauira whakahaere, me te whaiwhakaaro kia auaha te tuku akoranga, kia mau tonu ki te hirikapo ēnei tū kōrero mō Rosalie. Inā te kanorau o ā tātou ākongā, te whānui hoki o ngā kaupapa e kaingākautia ana, ngā tauārai me ngā kaihāpai tērā e pā mai ki a rātou e anga mai nei ki te mātauranga.

He tika anō hoki tēnei āhuatanga mō ngā kaitukumahi, me te wāhi ki a rātou hei ahuahu i ā te ākonga wheako i roto i te pūnaha – me ērā wheako anō e whai nei i ngā huarahi o te ako me te whakangungu.

Koinā te take kia whānui, kia rerekē te momo o te tangata, ōna wheako, ōna tirohanga, ōna wawata hei wero tonu mai i ō tātou whakaaro anō i a tātou e hoahoa nei i te tauira whakahaere.

I tērā marama i kimi whakaaro mai mātou mō ngā aria ratonga e whitu mā tā mātou pūhara whakaanga tuihono Our Journey. I hua mai i ngā tāpaetanga, ngā hui awheawhe me ngā uiui tōna 1,300 rārangi raraunga ma ii te hunga whaipānga puta noa i ngā Whakahaere Whakangungu Ahumahi Whakawhiti (ngā TITO), ngā kaimahi āpitihanga, ngā ākonga me ngā kaitukumahi. Mā te rongo kōrero mai i te rau tangata me ngā reo rerekē, e tōtika ai te hanga, te aronga hoki o te tauira whakahaere.

I tēnei wā me whai wā anō au ki te mihi ki a Merran Davis. E waru marama a Merran i konei e mahi ana, ā, me tōna ngākaunui ki te para huarahi e whakaumutia ai te mātauranga ahumahinga. Nei rā te mihi nui ki a ia mō āna mahi rangatira.

He tīma tautōhito tā mātou tīma kaiarataki, e whai tautoko mai ana i ngā kaimahi, e tipu haere nei, ā, mā tēnei tīma anō ā mātou mahi whakahirahira e arataki, ka riro mā Heather Geddes te tūranga Whakaumutanga me te Whakawhitinga e kawe mō tēnei wā, i a mātou e whiriwhiri nei te tukanga kimi tangata hou mō te tūranga. Tūturu, he mahi nui, ā, mōhio tonu au ka tautokohia a Heather e ōna hoamahi puta noa i te kōtuinga me te rāngai.

Ngā mihi

Stephen Town
Kaiwhakahaere Mātāmua

News from our friends

New partnership with Wintec and Toi Ohomai a win for massage therapists wanting to upskill

Building a resilient construction and trades sector through education

Southern Institute of Technology appoints new Chief Executive

Simplifying New Zealand qualifications and other credentials

Breakfast surprises an incredibly deserving graduate

Ka mua, ka muri – ‘walking backwards into the future’

Whitireia social work graduate believes representation must occur at all levels to create meaningful change for Pacific people in New Zealand

Kia pā tonu mai: Kei mahue koe i ngā kōrero hou

Rēhita