We use cookies to ensure we give you the best experience of our website. By accepting, you agree to the use of cookies as described in our privacy policy.

Newsletter image banner

Kōtui Kōrero pānui – Ākuhata 2021

Kia ora koutou

I tēnei wiki, i pōhiritia te rōpū o Competenz i tōna urunga mai hei wāhanga o Te Pūkenga Work Based Learning (WBL), he āpitihanga tērā nā Te Pūkenga. He kaupapa nui tēnei – inā rā ko Competenz te mātāmua o ngā Whakahaere Whakangungu Ahumahi ki te whakawhiti ki Te Pūkenga.

I te Mane, i tū te pōhiri ki Competenz me ōna 100 tāngata ki Wintec ki Kirikiriroa, arā, te wāhi kei reira te tari matua a Te Pūkenga.

I kōrero ngā kaikōrero o ngā taha e rua mō ngā wawata anamata e pā ana ki te ako me te mahi ahumahinga, kātahi ka nohotahi mātou ki te kai.

Kia tūturu rawa te tū o Te Pūkenga, ko te matapae ia āhua 60% o ā tatou ākonga kei rō wāhi mahi, mā reira rātou e whakaoti ai tētahi piatanga, he whakangungu i rā wāhi-mahi rānei, me te tautoko mai a te kaitukumahi. Ko tā mātou he tautoko i ngā kaitukumahi me ngā ākonga i rung ai tēnei haerenga, he whakarite whakangungu hoki mā ngā pia me ngā tauira ki ngā paerewa nā ngā Kaunihera Whakawhanake Ohumahi (ngā WDC) i whakatau, me te whai koha mai a ngā Rōpū Kaiārahi ā-rohe (ngā RSLG) me ngā Pokapū Hiranga Ahumahinga.

I kī a Fiona Kingsford, te Kaiwhakahaere Matua o WBL mō tēnei wā – “Kei te hangā e tatou he kōtuinga kotahi. He wāhi anō tō tēnā, tō tēnā ki te tautoko i ngā ākonga me ngā kaitaukumahi, engari, kia mahitahi tatou i rung ai te kaha o tēnā, o tēnā, kātahi ka tōtika te mahi.”

Kātahi te kaupapa manawareka ko te pōhiri i a Competenz ki tō mātou whanau. Mā ērā tū kaupapa e whakaū i te hiranga o ā tatou mahi – engari he rite tonu te whai a te tīma kia kaha te ūhono o tēnei kōtuinga o tatou. Ka kite tonu koe i roto i ngā korero i raro nei, i te marama kua taha ake, kua puta te Pūrongo mō Te Pae Tawhiti, kua ngākaunui mātou kia tautoko te tipu o te ohumahi pūngao whai pūkenga, ā, kua tīmata hoki ngā mahi hei whakamārama i tā te kōtuinga tū mauroa.

Ka horo tonu te haere o ngā mahi, ā, hei tērā marama ka tuku kōrero anō.

Ngā mihi nui
Stephen Town
Kaiwhakahaere Mātāmua 

He rongo korero mai i ō mātou hoa

Ngā kaimahi taiohi e puta ana i ngā mahi manaaki tāngata

Te whai huarahi hou me Ataria Sharman ki Ramp Festival

Nā te whakahouanga ka puta he wāhi ako pāhekoheko

He oranga ngākau te tūhono atu a ngā ākonga tāpuhi Māori o Whitireia ki tō rātou hapori

Kia pā tonu mai: Kei mahue koe i ngā kōrero hou

Rēhita