We use cookies to ensure we give you the best experience of our website. By accepting, you agree to the use of cookies as described in our privacy policy.

Girl looking at computer

Kōtui Kōrero - Hūrae 2021

Kia ora koutou

Kua whakaputa e mātou ko Te Rito – ngā whakaaro o ngā ākonga me ngā kaimahi: he huarahi e angitu ai ngā ākonga katoa, ākonga Māori hoki o Te Pūkenga, ko te tuatahi tēnei o tētahi huinga pūrongo, e aro ana ki ngā huarahi e āhei ai mātou ki te hāpai i ngā ākonga – ina koa ngā ākonga Māori kia angitu. E tata ana te tokomaha o ngā ākonga Māori ki te 25% o ngā ākonga katoa kei tā mātou kōtuinga, nā konei me mōhio tātou me aha, me pēhea rātou e angitu, e ai ki a rātou anō.

Ka aro ngā pūrongo o muri mai ki ngā ākonga Pasifika me ngā ākonga whaikaha, ā, ka tautohu te pūrongo whakamutunga i ngā whāinga anamata tōmua e pā ana ki ngā mahi o tēnei wā, ā, ka tuarihia ērā ki a koutou ā ngā marama kei te tū mai.

I nā tata nei ka whakaputahia tā mātou arotake nā mātou I rangona atu i ngā Reo Ākonga puta noa i te kōtuinga. Nōku anō te hōnore kia whai wāhi ki te rā whakamutunga o te Learner Centred Network Forum, i tū ki te matapaki i te āhua o te mahi akoako pai rawa e ai ki te ākonga. Me mea whakahihiri tonu te whānuitanga o ngā whakaaro i puta i te rōpū, ā, ka tāria te tuarihia o ēnei ki te kōtuinga katoa.

Ākuanei ka tutuki tā mātou huinga Kōtui Kōrero, nāna i huri haere ai te tīma kaiarataki i te motu ki te huitahi me ngā kaimahi, ngā ākonga hoki ki te kōrero mō ā mātou mahi tae iho ki tēnei wā, ngā mahi e haere ake nei me ngā huarahi e whai wāhi mai ai rātou. Ākōake nei ka puta he ataata mō tēnei whakaaturanga.

Nā te huinga Kōtui Kōrero i whai huarahi ai ā tātou tāngata ki te whakaanga ki ngā ariā ratonga, koia rā ngā pou hei toko ake i ngā whakaaro me te hoahoanga o tā mātou tauira whakahaere anamata. Kei te rapu tonu mātou i ō koutou whakaaro mō ēnei ariā – ka taea ngā pitopito kōrero, tuku whakaaro mai rānei, i konei.

I tēnei wiki ka puta anō mātou ki te motu ki te tuku i kōrero hou ki ngā kaitukumahi me ngā ahumahi. E whitu ngā wāhi ka taea e te tīma, tīmata mai ana i Whangārei, ā, ko te mutunga ko ētahi whakaaturanga tuihono i te hiku o tēnei marama. E tino kaingākau ana tā mātou tīma kia rongo kōrero mai i ngā kaitukumahi mō ngā wero, mō ngā huarahi hoki hei tautoko i a rātou me ā tātou ākonga.

Koinei noa iho ētahi mea hirahira mai i ngā mahi a tā mātou tīma – inā kē te nui o ngā mahi ia te wiki, ia te wiki. Manawareka ana mātou ki te tuku kōrero hou mō ā mātou mahi, i a mātou e aronui ana ki te whakaumu i te mātauranga ahumahinga i Aotearoa nei.

Nāku iti nei, nā.

Ngā mihi
Stephen Town 
Kaiwhakahaere Mātāmua 

He rongo kōrero mai i ō mātou hoa

Ka tuwhera ana ngā karahipi Māori tae rā anō ki te 1 o Hepetema

Kua tuwhera ināianei ngā Karahipi Ngarimu VC me te Te Hokowhitu-a-Tū 28th Māori Battalion mot e hunga e whai ana, e whakangungu ana rānei i runga i tētahi ara ahumahinga. $10,000 te nui o ia Karahipi Mātauraunga Ahumahinga, Whakangungu hoki. Kia taea e koe te tono mō tētahi o ngā karahipi nei, me:

Whai whakapapa Māori, ā, kua whakaurua koe ki tētahi akoranga mātauranga matua (ngā Tiwhikete me ngā Pōkairua, Tohu Paetahi, Tohu Paerua, Tohu Kairangi) Ka taea e koe te whakaahua i ngā āhuatanga kei a koe e ōrite ana ki ngā hoia o te Hokowhitu-a-Tū.
Pānuihia te roanga atu o ngā kōrero i konei.

Pānuihia ngā kōrero hou mō ngā Rōpū Kaiārahi, Pūkenga ā-Rohe hoki

Kua eke te Kura Matatini ki Otago ki ngā whiringa toa mō ngā Tohu Mahi Mākete o Aotearoa

Kua tū atu ngā pūkenga o Unitec ki te tautoko i te kaupapa tuku kano ārai mate nui rawa atu ki Aotearoa

Kua kopoua te kaumātua hou mō MIT

Kia pā tonu mai: Kei mahue koe i ngā kōrero hou

Rēhita