We use cookies to ensure we give you the best experience of our website. By accepting, you agree to the use of cookies as described in our privacy policy.

Connexis welcome - Civil Infrastructure image

Kōtui Kōrero newsletter - September 2021

Kia ora koutou

Ko te tūmanako e noho haumaru mai ana koutou i ō koutou nā mirumiru. Me tuku mihi au ki ngā tāngata puta noa i tēnei kōtuinga o tātou, nā rātou i whakarite kia whiti wawe ai ā tātou ākonga ki te ako tuihono – tēnā rawa atu koutou, nā koutou i whai painga ngā ākonga me ō rātou whānau. Ā, ki a koutou kei Tāmaki Makaurau e noho kāinga tonu nei, ka nui te mihi anō ki a koutou. Kia kaha tonu.


I tērā wiki i whakatauhia marikohia te rōpū o Connexis ki tō tātou whānau o Te Pūkenga. Ko Connexis te tuarua o ngā Whakahaere Whakangungu Ahumahi Whakawhiti (he TITO) i whakawhiti ai, koia e mauria mai ana tōna papa hanganga tipu horo nei me ōna anō kaitukumahi e mahi ana kia tūhonohono ai ngā wāhi me ngā tāngata o Aotearoa. Ka tāria te wā e mahitahi ana me rātou ki te whakatipu ohumahi whai pūkenga māna e whai kia tipu haere tonu a Aotearoa.


Hāngai hoki ki tērā, kua whakaaetia e Te Amorangi Mātauranga Matua (TEC) kia whakawhiti te BCITO ki Te Pūkenga ā te 4 o Oketopa. E anga nei te titiro ki te wā e pōwhiritia ai rātou ki tō tātou whānau ā tērā marama.


Tērā pea i kite koutou ngā kōrero mō te kopounga o Toby Beaglehole koia hei Kaiwhakakahaere Mātāmua mō Te Pūkenga Ako Wāhi-Mahi. Ka tīmata a Toby ki tana mahi hou a te 4 o Oketopa, otirā ka noho a Fiona Kingsford, ki tōna tūranga mō tēnei wā ki te tautoko haere i te whakawhiti mai, tae atu ki te mutunga o Noema. Kua kopoua a Jason Hungerford hei Kaiwhakahaere mō te BCITO me Kaarin Gaukrodger hei Kaiwhakahaere mō ā Connexis Wāhanga Pakihi o te WBL. Ka nui te harikoa kia whai tīma kaha nei hei tautoko i ēnei tino wāhanga o te ako i roto i te mahi.


Hei te 4 o Oketopa anō ka tīmata ngā Kaunihera Whakawhanake Ohumahi (ngā WDC) ki ā rātou mahi. Ka mahitahi rātou me ā rātou ake ahumahi ki te whakawhanake tirohanga rautaki ki ngā pūkenga e hiahiatia ana. Ko tā rātou hoki; he whakarite paerewa, tohu mātauranga hoki, he whakahaere i te whakaōrite ā-waho, me te tuku mana whakaae mō te aromatawai ki ngā paerewa i roto i ā rātou ake kaupapa.


E anga whakamua ana mātou ki te marama kei te tū mai me ōna āhuatanga anō, arā hoki ngā mahi whaihua kei te kawea e tēnā, e tēnā.


Waiho i te toipoto, kaua i te toiroa


Ngā mihi
Stephen Town
Kaiwhakahaere Mātāmua

He rongo korero mai i ō mātou hoa

Kia pā tonu mai: Kei mahue koe i ngā kōrero hou

Rēhita