We use cookies to ensure we give you the best experience of our website. By accepting, you agree to the use of cookies as described in our privacy policy.

2021.8.2 Powhiri Competenz CP 048

Ko Competenz te TITO tuatahi kia whakawhiti ki te whānau o Te Pūkenga

I tēnei rā i Kirikiriroa, pōhiritia e Te Pūkenga te tuatahi o ngā Whakahaere Whakangungu Ahumahi Whakawhiti (TITO), a Competenz i tana whakawhiti mai ki te whānau o Te Pūkenga.

Nō te rā nei i whakawhitia ngā mahi whakahaere a Competenz ki Te Pūkenga Work Based Learning Limited (WBL), tētahi āpitihanga a Te Pūkenga. I āianei he wāhanga pakihi motuhake a Competenz o roto i WBL, e arahina ana e tōna Kaiwhakahere a Amanda Wheeler.

 Ka mihi a Fiona Kingsford, te Kaiwhakahaere Matua o WBL mō tēnei wā ki a Competenz i runga i te mōhio he rā hirahira tēnei rā.

“E tino whakamihi ana mātou ki Competenz mō te ngākau whakapuke kia mahitahi me mātou i runga i te kaupapa nui whakahirahira.

He mea tino whaihua ōna pūkenga, mōhiotanga, tohungatanga hoki i a mātou e hanga nei tētahi pūnaha ahumahinga, pūnaha ako he māmā noa te whai, e urupare ana ki ngā hiahia o ngā ākonga, he ngāwari hoki te panoni haere i roto i te huringa o te wā.

“Me mihi rā ki ngā tāngata katoa o Competenz e whakawhiti haere nei. Me kore ake hoki rātou i pēnei te whakawhiti mai, me ā rātou mahi i ia rā kia mātua whai wāhi ngā pia, ngā tauira me ngā kaitukumahi e tāutoko ana i a rātou, ki ngā rauemi, te whakangungu me te tautoko,” tana kī.

E kī ana a Amanda Wheeler, Kaiwhakahaere o Competenz, e hiamo ana ngā kaimahi e 225 ki ngā mahi kei te tū mai mā rātou, me te manawanui kia pērā tonu te tautoko i ngā ahumahi e 38 kei te ratoa e rātou.

“He mea whakaongaonga tēnei huringa mō Competenz, me te noho whakahīhī nei ko mātou te TITO tuatahi ki te hono atu ki Te Pūkenga i runga i tēnei haerenga ki te ahuahu anō, ki te whakatipu hoki i te mātauranga ahumahinga i Aotearoa. E mōhio tonu nei mātou mā te whakakotahi i ngā akoranga wāhi-mahi, tuihono, ā-akomanga hoki e tukua ai ngā huanga pai rawa mō ngā kaitukumahi me ngā ākonga, koia ko rātou tonu te pūtake o ā mātou mahi katoa.”

Ka tūturu rawa tōna tū ko Te Pūkenga te kaituku mātauranga matua nui rawa o Aotearoa, me te 35 o ngā mea nui rawa o te ao. I Āperira 2021, ka whakatūria Te Pūkenga Work Based Learning Limited kia riro māna e whakariterite i ngā mahi whakangungu a ngā TITO ka whakawhiti haerengia ki Te Pūkenga. Atu i Hanuere 2023 ka whakaurua ngā ākonga katoa ki Te Pūkenga, ā, e 60 ōrau o ngā ākonga hei ngā wāhi-mahi.

Kia pā tonu mai: Kei mahue koe i ngā kōrero hou

Rēhita