We use cookies to ensure we give you the best experience of our website. By accepting, you agree to the use of cookies as described in our privacy policy.

shutterstock 1256454814 copy 2

Kua kopoua ngā tino komiti kaitiakitanga

Kua tū ngā komiti tohutohu kaimahi, ākonga hoki mō tēnei wā hei tohu nui kaitiakitanga mō Te Pūkenga.

Kua oti i ngā āpitihanga te kōwhiri tāngata hei māngai tuku tohutohu ki te Kaunihera o Te Pūkenga mō te taha ki ō tātou tāngata, ākonga hoki.

I whakarite ngā komiti he hui whakatūhanga, hui whakauru ā-tinana i te marama o Akuhata, ā, i ka panonihia ngā taumata mataara Kōwheori-19, ka nukuhia hei hui tuihono.

"He wāhi tino whai tikanga tā ngā komiti nei ki tā Te Pukenga kaitiakitanga. Koirā ngā māngai mō ngā ākonga, ngā kaimahi me te Māori i te tēpu o te Kaunihera. Ko te hiahia kia taketake ai te reo o ā tātou tāngata, ō tātou hoa, ākonga hoki i ngā taumata teitei o Te Pūkenga," te kī a Tania Winslade, Kaiwhakahaere Mātāmuri, Tā te Ākonga Haerenga, Wheako hoki.

Hei whakaatu mai te whakatūhanga o te komiti tohutohu ākonga i te ngākaunui kia noho ko te ākonga te tino pūtake o ā mātou mahi katoa.

"He mea whai take kia noho ngā ākonga ki te tēpu, heoi, me mātua tautoko i a rātou kia noho ki reira hei māngai mō ō trātou hoa tautini - engari kia rangona ō rātou reo," hei tā Tania.

I whakaae a Keri-Anne Tane, Kaiwhakahaere Tāngata me te Ahurea, he maha ngā apitihanga a Te Pūkenga kua whai kē he tukanga ōkawa mō te whai wāhi mai o ngā reo o ngā kaimahi, me ngā ākonga ki ngā mahi whakatau-otinga.

"Kāore e rerekē mō Te Pūkenga. Ko te mea nui kia mārama te Kaunihera ki te whānuitanga o ngā tirohanga - me ō te hunga e piritahi ana ki ngā ākonga," te kī a Keri-Anne.

Ka hui ngā komiti i ia marama, ā, ka noho te māngai o ia Komiti Kaunihera hei mema Kaunihera. Ka noho hoki tētahi mema o te Komiti Māori ki te Komiti Tohutohu Kaimahi.

Kia pā tonu mai: Kei mahue koe i ngā kōrero hou

Rēhita