E ai ki a Murray Strong, te Heamana o te Kaunihera o Te Pūkenga, he wāhi nui whakahirahira tā te Komiti Māori hei tohutohu, hei whakatūturu me te tuku whakaaro tino whai tikanga.
“Mā te Komiti Māori e taea ai he reo rerekē reo motuhake hoki o te Māori hei whakaaweawe i te whanaketanga me te kawea haeretia o ngā mahi a Te Pūkenga. Kei a tātou o tēnei whakatipuranga te wāhi kia hurihia ai te ako ahumahinga, ringarehe hoki kia noho ko te ākonga tonu te pūtake – nā reira me aronui tātou ki ngā ākonga Māori,” tā Murray kī.
Nā runga i te whakahoatanga me te Rōpū Mātauranga ā-Iwi e mōhio ai, e tukua ai hoki ki te Māori te tino rangatiratanga i runga i te mātauranga Māori. Tino ngākaunui ana mātou i te mea kua whai huarahi kia noho mai ngā mātanga ki te tepū ki te wero, ki te akiaki i mātou kia pai ake ā mātou mahi mō ngā ākonga Māori.”
Hei tā Olivia Hall, te Heamana o te Rōpū Mātauranga ā-Iwi, nā te hurihanga ā-pūnahatanga hei whakamana i Te Tiriti o Waitangi e hiahiatia ana kia whai painga ā tātou ākonga ā-iwi i ā whakaawe ai te kopounga o ngā mema. E tino hiamo nei mātou ki ngā mātauranga me ngā tautohitotannga e tau mai ana i ēnei kopounga.
“Ko tētahi o ngā whāinga tōmua mā te Rōpū Mātauranga ā-Iwi, ko te whai kia mātua noho Te Tiriti o Waitangi koia hei pūtake ki ngā whakatau katoa. Ko tō mātou whakahoatanga ko Te Pūkenga te hanga hei whakamana i Te Tiriti o Waitangi.”
“Hei whakakanohi mai ēnei mema i ngā rāngai rerekē e tau ai te hurihanga pūnahatanga. Tino tautoko ana mātou i āna kopounga,” hei tā Ms Hall.
Tokoona ngā mema kua kopoua ki te Komiti Māori, ā, i roto i huringa o te wā, ka piki te tokomaha kia tokowhitu kia tekau rānei. Ko ngā kopounga tuatahi; ko Bentham Ohia, rātou ko Teorongonui Josie Keelan, ko Glenda Taituha, ko Te Pūoho Katene, ko Jasmine Te Hira, ko Dr Ramari Raureti, ka noho a Ramari ki te Komiti Kaimahi a Te Pūkenga.
Whakatauhia ai ngā kopunga e Te Kaunihera o Te Pūkenga, i runga anō i ngā whakatau mai a Te Kaiwhakahaere Mātāmua me te Heamana o te Rōpū Mātauranga ā-Iwi. Ka whakaingoa te Komiti i tētahi o āna mema koia ka noho ki te Kaunihera o Te Pūkenga.
Ka noho te Komiti Māori mō tēnei wā mō te roanga o te tau nei, ā, tae atu ki 31 Tīhema 2022, ā, ka riro māna a Te Pūkenga e tautoko kia whakaaturia ngā whakahoatanga Māori-Karauna i roto i āna mahi me te tuku. Whakatau mō te hanga o ngā kōmiti whāiti, poari katoa hoki a te Kaunihera, me te rahi oti, ngā mema, ngā tikanga me te whānuitanga o ngā mahi a te Komiti Māori tūturu.
