We use cookies to ensure we give you the best experience of our website. By accepting, you agree to the use of cookies as described in our privacy policy.

Te Rito

Tā te rangahau e angitu ai te ākonga Pasifika

E ai ki te mahi rangahau a Te Pūkenga hou me ngā kōrero a ngā ākonga Pasifika, me mātua kite rawa te ākonga Pasifika he taketake te noho a tōna ahurea i roto i te roanga o tōna anō ara ako. E whai ana rātou i te oranga mō ō ratou fanau, aiga, hapori hoki, ā, hekeheke ana.

Kua puta i Te Pūkenga āna pūrongo Te Rito e rua, hei tirohanga ki ngā wheako o ngā ākonga Pasifika, ākonga whai kahaa hoki o tēnei wā i roto i te ako ahumahinga o tēnei wā. Hei whakapiki atu tēnei o  ngā mahi rangahau ki tērā o te pūrongo tuatahi i arotahi rā ki ngā ākonga katoa, ina koa ngā ākonga Māori. E mārama hōhonu ai ki ngā matea o ngā ākonga me ērā o te hunga e tautoko ana i rātou, i waihangatia ētahi momo ākonga – he mea pohewa hoki ēnei ki tā te rangahau ākonga ake.

Ko tā Te Rito: Insights from Pasifika Learners i kite ai, e tino aronui ana ēnei ākonga ki ngā hiahia o ō rātou ake whānau.

Waihoki, ki ngā ākonga Pasifika he mea tino whaihua ngā huarahi ako e tautoko ai rātou i ō rātou whānau.

“Kei ia rōpū Pasifika ōna ake wheako, tikanga mahi, mātātaki hoki. Hei taonga whakaaro ēnei rerekētanga ahurei ki tā Te Pūkenga urupare,” hei tā Tania Winslade, Kaiwhakahaere Mātāmuri, Tā Te Ākonga Ara, Wheako hoki.

Mā te whai kia noho taketake te mātauranga Pasifika ki ā tātou whakaakoranga me te hāpai i ngā kaimahi me ngā kaitautāwhi Pasifika e whai hononga ai rātou ki tō rātou tuakiri ake.

Mā te pūrongo Te Rito e whakamārama ake  te ara ako me te wheako o te ākonga ahumahinga i Aotearoa mā te reo o ngā ākonga me ērā o te hunga e tautoko ana i a rātou. I hua mai ēnei pūrongo i ngā kōrero a ngā tāngata 315 i ngā rōpū arotahi 45 mai i Whangārei ki Waihopai. He mea whai hua hoki ēnei pūrongo ki ngā whakatau anamata, hoahoa anamata hoki e rite ai ngā matea, ngā wawata me te hihiri o ngā ākonga ake.

“Kua noho hiamo mātou ki ngā rā e heke mai ana, me te whai kia turaki i ngā taupā, kia pai ake hoki te whai wāhitanga, me te tīhonohono mā te katoa, inarā ā tātou ākonga kīhai tonu i whai hua i ngā kaupapa mātauranga. Kei te hanga mahere mahi mātou hei whakatinana i ngā whakatau a Te Rito hei whakakotahi mai ki te rautaki whānui a te kōtuinga.” te kī a Tania

E wātea mai anna ngā putanga Te Rito katoa i konei -  Learner Insights - Te Rito Reports

Kia pā tonu mai: Kei mahue koe i ngā kōrero hou

Rēhita