Kaupapa Here Matatapu

Tā Te Pūkenga Kaupapa Here Matatapu Matihiko

Kei te mau mātou ki ngā whakahau a te Privacy Act 1993 (Privacy Act) (Aotearoa), me ētahi atu ture, ritenga matatapu e tika ana, ina kohikohi ana, whakamahi ana rānei i ō pārongo whaiaro.

E whakaahua ana te Kaupapa Here Matatapu (Policy) he pēhea te Te Pūkenga e tiaki ai i tō matatapu i tana whakamahinga i ōu pārongo.

Pērā i te nuinga o ngā whakahaere, kohikohi pārongo ai mātou mō ā mātou kaiwhakamahi hei:

• Tuku ratonga ki a koe.
• Whakapai ake i ā mātou papa matihiko, kōrero whakatairanga me ngā rautaki, me te tuku wheako pai anō māu ina whakamahi ana koe i ā mātou papa matihiko, e tukua ana rānei he ratonga ki a koe.
• Tuku wheako kaiwhakamahi mōu ake.

Ka kohikohi pārongo mōu ina ka whakawhiti kōrero mai koe ki a mātou, ka rēhita mai, ka toro mai mā te Pae (te Pae) mā tētahi atu papa tuihono rānei, ratonga, paetukutuku, ratonga tuku karere rānei ka tangohia, ka whakamahia rānei e mātou me te whakawātea ki a koe (ko ia mea he Papa Matihiko).

He aha ngā pārongo whaiaro ka kohikohia e mātou mōu?

Ki te hōmai e koe ō pārongo whaiaro mā tētahi Papa Matihiko, tērā e kohikohi pārongo whaiaro mātou mōu, pērā i tōu ingoa, te rā whānau, te ira tangata, tō iwitanga, tō whenua noho, ō tohu mātauranga, ngā whakaakoranga kei te tirohia me ētahi hiahia ōu, mēnā rānei nō tētahi rōpū tōmua koe (Māori, Pasifika, hunga whaikaha rānei) te māngai mātauranga e mahi ana koe i te taha (ki te pērā te whakarite) me ngā pārongo e pā ana ki ō tono pane uruwhenua, tō tūranga whakauru rānei.

I ngā wāhi ka tukuna e koe te mana ki a mātou, tērā e kohikohi pārongo tika mātou mai i Immigration New Zealand, arā, he pārongo tērā e pā ana ki ō tono pane uruwhenua. Tērā e whāiti mai ki ngā kōrero me ngā pārongo rānei ka tukua kia mātou ko ngā whakatau o mua mai, o muri atu rānei i te tukanga tono pane uruwhenua.  

I ngā wāhi ka tukuna e koe te mana ki a mātou, tērā anō hoki e kohikohi pārongo whaiaro mātou mōu e pā ana ki tō tono me tō tūranga whakauru i tētahi āpitihanga ake, i tētahi kaituku akoranga mai i taua kaituku akoranga tonu, pērā i te whakahaere whakangungu ahumahi whakawhiti.

Tērā hoki mātou e kohi pārongo e hāngai ana ki ā mātou Papa Matihiko, rautaki whakatairanga, ratonga hoki, pērā i:

• Ngā whakapānga IP;
• Ngā kupu rapu;
• Ngā whārangi i torongia me ngā hononga i pāwhiringia;
• Ngā rā, ngā wā i torongia ai;
• Te pae o mua tonu atu i torongia;
• Ngā pūnaha whakahaere (h.t. Windows, Mac);
• Ngā pūtirotiro ipurangi; me
• Ngā mahi i mahia, i tēnei Pae, i Pae kē atu rānei

Mō ngā wāhi e whakamahia ai ngā pārongo mō ngā take tatauranga anake, ka noho huna tonu ngā kaiwhakamahi, kāore hoki e mōhiotia ake mai i aua pārongo.

He pēhea mātou e whakamahi ai i te pārongo whaiaro?

Ko ngā pārongo whaiaro e kohia ana mā tētahi Papa Matihiko pērā i ngā puka 'Subscribe' 'Contact Us' hoki i runga i te Pae, ka kohia e Te Pūkenga, ā, ka whakamahia:

• Ki te tuku pārongo whaiaro ōu ki ngā āpitihanga a Te Pūkenga, ngā māngai me ngā kaituku akoranga hei whakawhiti kōrero i waenga i a koe me Te Pūkenga, āna āpitihanga, māngai me ngā kaituku akoranga rānei i ngā wāhi ka tukuna e koe te mana ki a mātou ki te tuari i ō pārongo whaiaro me ngā rōpū pērā.
• E Te Pūkenga hei tuku kōrero, tuhinga whakawhiti, tauhokohoko, whakatairanga hoki mōna ake, mō ana whakaakoranga, ana mahi, me ērā o āna āpitihanga, māngai, kaituku akoranga hoki (mēnā e whakaae ana koe kia whiwhi i ērā tū kōrero whakawhitiwhiti).
• E Te Pūkenga kia mārama pai ki ngā take e huri ai te ākonga āmua ki ngā ākonga kua whakaurua tikangia ki tētahi whakaakoranga i tētahi āpitihanga, kaituku akoranga rānei, mā reira e āhei ai Te Pūkenga (me āna āpitihanga, kaituku akoranga rānei) ki te arotau, ki te whakapai ake hoki i ngā rautaki whakatairanga mō muri ake e pā ana ki te mātauranga ahumahinga i Aotearoa. 
• Ki te tuku i ōu pārongo whaiaro ki Immigration New Zealand  kia taea ai (i ngā wāhi kua tukuna te mana ki a mātou) kia tono, kia whiwhi hoki i ngā kōrero hou mai i Immigration New Zealand ake mō ngā whakarite, whakatau rānei e pā ana ki tētahi tono pane uruwhenua nāu i tuku kia āhei ai he ratonga matihiko e hāngai ana ki a koe, he rangahau, he akoranga tātaringa hoki e pā ki ā mātou mahi. 
• I ngā wāhi kua tukuna te mana ki a mātou, te tuku pitopito kōrero mō tō tono pane uruwhenua ā-tauira, me ngā whakatau ki ētahi āpitihanga ake me ngā kaituku akoranga rānei kia āhei ai rātou ki te whakaoti i te tukanga whakauru me Koe i roto i te wā tika.

Hei whakapā atu ki a koe me ngā pārongo mōu ake, mō tō mahere akoranga rānei me ngā kōrero hou, ngā tino rā hei whakatutuki i tētahi mahi.

Te Whakamahi Pihikete

Ko tēnei momo pihikete he kohinga raraunga iti ka tukua ki tō pūtirotiro mai i tētahi tūmau tukutuku, ka pupuritia ai i runga i te pukumārō o tō rorohiko, kātahi ka whakahoki ki te tūmau e tō pūtirotiro ia te wā ka toro ai koe ki tētahi wāhanga o te Pae. Tirohia Ngā Tikanga Whakamahi Pae kia mōhio he pēhea tā mātou whakamahi pihikete.

Ka tuaringia ō pārongo whaiaro ki a wai?

Tērā mātou e tuari ngā pārongo kua kohia mōu i runga anō i ngā tikanga kua takoto ki tēnei Kaupapa Here, ki ēnei rōpū kē e whai ake nei:

• Education New Zealand (ENZ), ā Te Pūkenga āpitihanga, māngai, me ngā kaituku akoranga mēnā kua oti i a koe he puka, kua tukua rānei he pātai e pā ana ki tētahi rōpū kē, ā, kua tukua te mana ki a mātou ki te hoatu ō pārango whaiaro ki a ratou kia āhei ai te āpitihanga, te māngai me te kaituku akoranga rānei (mēnā e tika ana) ki te whakapā atu ki a koe mō ā rātou ratonga, kōwhiringa akoranga rānei. Ko ngā pārongo ka tuaringia e mātou ki tētahi o aua whakahaere ka whakarokia e te whakahaere e ai ki ngā tikanga o tā rātou ake kaupapa here matatapu.
• Ko ngā kaituku ratonga kua tautetia e mātou kia tuku ratonga mai mō te Pae, mō tētahi atu ratonga nā mātou tonu i whakaae ki te tuku ki a koe pērā i NetValue, SpeakData, OMD, Voyage, UMS me StudySpy. Hei tauira, tērā mātou e tuari pārongo mōu ki tētahi kaituku ratonga kua tautetia e mātou kia tuku ratonga hangarau mai, ratonga tautoko kiritaki mai rānei. Tērā pea kei whenua kē ēnei kaituku ratonga, ā, kāore hoki rātou e herea e ngā ture matatapu o Aotearoa. Ahakoa tēnei āhuatanga, ka whai tonu mātou ki te whakarite huarahi kia whakaū tonu he tikanga anō a aua kaituku ratonga e rite ana ki ngā here o te Privacy Act hei tiaki i ngā pārongo. Mā te whai wāhi mai, mā te whakamahi rānei i te Pae, i ā mātou ratonga rānei, ka tukuna e koe te mana whākinga ā-tāwāhi mō tēnei kaupapa.
• Immigration New Zealand mō te tono, kia whiwhi kōrero hou hoki mō ngā whakarite, whakatau rānei e pā ana ki tētahi tono pane uruwhenua nāu i tuku atu.
• Tētahi atu whakahaere, tangata rānei kua tukua e koe te mana ki a mātou ki te whāki atu i tō pārongo whaiaro.

Ka tuari noa iho mātou i tō pārongo whaiaro ki ēnei rōpū kē:

• Mō te take i kohikohia ai (mō tētahi kaupapa e hāngai tika ana ki te take i kohia ai taua pārongo).
• Mō tētahi take kē atu kua whakaaetia e koe.

Atu i tēnei i ngā wā me ngā wahi e whakaatia ana, e hiahiatia ana rānei e te ture.

Te rokiroki raraunga

Ka whakarokia ō pārongo whaiaro ki ngā tūmau a Te Pūkenga, a ōna āpitihanga, a ENZ a āna kaituku ratonga rānei, ko ētahi pea kei whenua kē atu i Aotearoa e noho ana.

Te Whakamarumarutanga

Kua whakaritea e mātou he tikanga whakamarumaru hei tiaki i ō pārongo whaiaro, kei ngaro, kei raweketia, kei whākina, kei whakamahia hētia rānei. Heoi i runga i te hanga o te ipurangi me ōna anō āhuatanga kāore e taea e mātou te tuku pūtāhui e pā ana ki te whakamarumarutanga o ngā pārango nāu tonu i whāki mai, i tuku mai rānei ki a mātou, ā, kāore hoki mātou e noho haepapa ki te tāhaetia, ki te takakinotia, ki te whākina pōhēhētia ō pārongo whaiaro i ngā wā ka whatia ā mātou tikanga whakamarumarutanga. 

Te pupuri i tō pārongo whaiaro

Ka pupuri mātou i ō pārongo whaiaro mō te roa o te wā e hiahiatia ana hei tuku i ngā ratonga nāu i tono mai, mō ngā take kei tēnei Kaupapa Here e whakaaturia ana, me ngā take ā-ture e hiahiatia ana kia pupuritia aua pārongo e mātou (arā, ngā take tātari kaute).

Tō whakaaetanga ki ēnei tikanga

Mā tō tuku pārongo whaiaro ki Te Pūkenga (mā tētahi Papa Matihiko pērā i ngā puka 'Subscribe' 'Contact Us' hoki i runga i te Pae, mā te whakaoti, te tuku puka pātai rānei mā te Pae) mā te whakamahi, mā te whakawhiti kōrero mai, mā tētahi Papa Matihiko e tukua ana e koe te mana ki te kohikohinga, te whakamahinga me te whākinga o āu pārongo whaiaro kua whakaahuatia i runga ake nei.

Mēnā kua tuku koe i ngā pārongo whaiaro a tō tamaiti, a tētahi pararau āu ki a mātou, ka whakaū koe kei a koe anō te mana kia pērā.

Ki te kore koe e whakaae ki ngā tikanga o tēnei Kaupapa Here, kāore e whakaaetia e Te Pūkenga tō puka, tō tono pātai rānei, ā, kāore hoki āu pārongo e whakamahia e tukua ranei ki tētahi o ā Te Pūkenga āpitihanga, māngai, kaituku akoranga hoki.

Ō motika

E whai wāhi ana koe ki te toro i ngā pārongo whaiaro kei te pupuritia e Te Pūkenga mōu, me te tono kia whakatikahia e mātou mēnā kāore i te tika. Kia mōhio mai, i ngā wāhi kua whakaae kē koe i te tuaringa o ngā pārongo i waenga i Te Pūkenga me tētahi āpitihanga, māngai, kaituku akoranga rānei, kei a koe te tikanga kia unuhia taua whakaaetanga ahakoa te wā mā te whakapā mai ki a mātou (ki ngā whakapānga i raro nei) ki te āpitihanga, te māngai, te kaituku akoranga rānei.

Ka pupuritia he pārongo mō te taha ki Te Pūkenga. I raro i te Privacy Act, ka taea e koe te tono whai wāhitanga ki te whakatika ō pārongo whaiaro e pupuritia ana e Te Pūkenga mā te tuhi atu ki Te Pūkenga ki te wahi i runga ake nei, mā te whakapā rānei ki 0800VOCATION i Aotearoa.

Mehemea he take anō i raro i te Privacy Act, i tētahi atu ture rānei hei whakakāhore i tō tono, ka tuhi atu mātou ki a koe ki te whakamārama i ngā take i whakakāhoretia ai (hāunga ia ki te mea kāore i te tika e ai ki te ture kia pērā te mahi) ka tohutohu atu i ngā huarahi e taea ana e koe mehemea he amuamu āu.

Mō ētahi atu pārongo e pā ana ki ō motika ki te tuku amuamu rānei mō ā mātou tikanga matatapu, ka taea e koe te whakapā atu ki te Kaikōmihana Matatapu (Aotearoa) ki te mana whakahaere o tō rohe rānei.

Mēnā he rerekētanga i waenga ngā whakamāoritanga o tēnei kaupapa here me te tuhinga ki te reo Pākehā, ka mau tonu te mana o te tuhinga reo Pākehā. 

Ngā Whakatikanga ki tēnei Kaupapa Here

I roto i te huringa o te wā, tērā e whakatika a Te Pūkenga i tēnei Kaupapa Here i runga i tā Te Pūkenga i whakatau ai. Ka pānuitia ngā panoni ki tēnei Kaupapa Here mā tētahi pouaka pakū-ake ina uru ana koe, me tā Te Pūkenga whakairi i tētahi tuhinga hou ki te Pae, engari me mātua tono whakaae mai a Te Pūkenga i a koe mō ētahi panoni kia whakaaetia i raro i ngā ture me ngā ritenga e tika ana.

Te Whakaaetanga Raraunga a Immigration New Zealand

Mēnā ehara koe i te kirirarau nō Aotearoa, he kainoho tūturu, ka kohia he pārongo whaiaro mā tētahi Papa Matihiko kankohia e ENZ, ā, ka whakamahia ai mō ngā take hei tuku i tō pārongo whaiaro ki Immigration New Zealand ki te tono, kia whiwhi kōrero hou mō ngā whakarite, ngā whakatau rānei e pā ana ki tētahi tono pane uruwhenua ā-ākonga nāu i tuku atu. Mā konei e taea ai e mātou te tuku wheako matihiko whaiaro.