Tuari tonuhia ō whakaaro i ā mātou ka whakawhanake i te tauira whakahaere anamata.

I runga i te ngākaunui ki te whakaanga tonu, e tuari ana mātou i ngā kōrero hou mō te whanaketanga o te tauira whakahaere. Kua tuwhera tētahi huarahi anō māu e tuari mai ō whakaaro e pā ana ki ō mātou ariā ratonga e waru.

Ka taea ngā ariā ratonga te tirotiro i konei i te wāhi tuihono Tō Mātou Haerenga, ā, ka wātea ki a koe kia tuku whakaaro mai, tae atu ki Paraire 9 Hūrae.

Ko tēnei wāhanga he wā whakaanga roa atu e arotahi ana ki te whanaketanga o te tauira whakahaere anamata. Kua kauneke haere te mahi i ngā marama e ono kua pahure ake i runga i te mahitahi me EY me EY Tahi hoki.

E rima ngā hui a tā mātou rōpū hoahoa-ngātahi me ōna mema e 43 mai i te marama o Pepuere, ā, nō te marama o Mei te hui whakamutunga, ka mutu, he wāhi nui tō rātou ki tēnei mahi. I arahina te rōpū nei e ngā tāpaetanga e hia rau nei mai i te rāngai, ngā ākonga, ngā kaitukumahi me te hunga e whai pānga ana mā te pūhara Tā Mātou Haerenga, ngā hui awheawhe, ngā uiuinga me ngā hui matapaki.

Ko te tuatorutanga tēnei o te tuari wero hoahoa, ariā ratonga hoki hei wāhanga o te tukanga hoahoa. He wāhanga nui anō te whakahoki kōrero tūmatanui o te tukanga hoahoa-ngātahi i a tātou ka neke whakamua ki te whakaoti i te hoahoa mō tā mātou tauira whakahaere anamata.

I tērā rauna o te whakahoki kōrero tūmatanui i piki te maha o ngā ariā ratonga mai i te whitu ki te waru. Ko te ariā hou, Rōpū Mahitahi, i waihangatia ki te whakakī i tētahi puare i tautuhia i te arotakenga o ngā whakahoki kōrero tūmatanui.

Ki tā Hera Geddes, Kaiwhakahaere Whakaumutanga, Whakawhitinga hoki,

“Ka nui te maioha o te tīma ki te hunga nā rātou i tuari noa ō rātou whakaaro, wheako hoki ki a mātou mā tēnei tukanga. Nā reira i whai tikanga ki te whakahoutanga o ngā ariā ratonga, ā, ka tāria te kōrero mai a ngā tāngata mō ēnei.”

“I runga i tēnei tukanga ko te aronga nui he mātua whai kia tutuki i ō ngā ākonga, ngā kaitukumahi hiahia kāore i ea, te tongo kōrero mai i te hunga i whai wāhi ki te whakaako, ki te tautoko hoki i ngā ākonga. Ka tāpiritia ō kōrero whakahoki ki te hoahoanga o te anamata o te mātauranga ahumahinga, kia mātua ōrite ai ngā ara ki te ako mō ngā whakatipuranga o muri, kia whai tautoko hoki kia angitu ai.”

He mea nui whakahirahira ngā reo katoa, ā, e hiahia ana mātou kia rongo mai anō i ō whakaaro kia mātua tautoko ā mātou ariā ratonga i ngā ākonga o āpōpō. Kia whai koha mai koe pāwhiria i kōnei kia tuari i ō whakaaro i mua i te Paraire 9 Hūrae.

Kei konei te wātaka kaupapa mō te tauira whakahaere.