E koa ana te NZIST i te urunga mai o John Brockies hei mema o te Kaunihera.
He tino tautōhito a Mr Brockies ki ngā mahi kaiwhakahaere, kaitiakitanga hoki, tae atu ki tana kopounga ā-Minita ki te Rōpū Tohutohu a te Kaikōmihana mō Unitec, me tana noho hei mema motuhake ki te Poari Whakakaupapa o RoVE.
"E uru mai nei a John ki te Kaunihera me ōna pūkenga whānui tonu i ana mahi hei kaitukumahi, me te tautōhito ahumahi," te kī a Murray Strong te Hemana Kaunihera. "Nā tērā me tana mōhio pai ki te rāngai me te kaupapa RoVE hei kaitiaki, arā kē ōna painga mō te poari."
He CEO o mua a Mr Brockie i Siemens Energy Services Ltd, North Shore City me RFA Ltd; he Kaiwhakahere Matua i Transfield ki Aotearoa; ā, he COO o mua hoki ia i United Networks me Watercare. Kua mahi anō ia i runga i ngā kaupapa nunui, pērā i te tūnga waka whenua o Britomart, te whakawhānuitanga o Auckland Art Gallery, te Viaduct Events Centre me te whānuitanga atu o ngā kaupapa hanganga pērā i te hanganga o te kōtuituinga kaka kōata ōmata ā-rohe me ngā rawa ngaohiko tino kaha.
Ko mahi hoki hei kaitiaki ki Naylor Love, te Waiāri Project Advisory Board mō Tauranga City Council, te Resolve Group Ltd, me BRANZ.