I tēnei rā ka whaoina e Te Pūkenga te mahi hanga whare ki tana kete, i te whakawhitinga o ngā mahi whakarite whakangungu a te BCITO ki Te Pūkenga Work Based Learning Ltd (WBL) he āpitihanga a Te Pūkenga.
Tautoko ai te BCITO i tōna 21,000 pia, tauira hoki me ngā kaitukumahi 9,300 i roto i te ahumahi hanga whare, me te whakawhitinga o ā BCITO mahi whakarite whakangungu ki te Kaunihera Whakawhanke Ohumahi Hanganga hou, ko Waihanga Ara Rau Construction.
Hei tā Jason Hungerford, Kaiwhakahaere BCITO, arā ngā tāngata e 400 e tiro whakamua ana ki ngā mahi e haere ake ana, me te mahitahi me ētahi atu wāhanga pakihi o WBL me ngā āpitihanga papa-ako, tuihono hoki a Te Pūkenga.
“Inā te tere o te tipu o te rāngai hanga whare, ā, kua tuwhera mai ngā ara mā ngā ākonga me ngā kaitukumahi, nā reira ka whai wāhi ngā hoa whakangungu ahumahi ki ngā whakawhiti kōrero mō te ako i rō wāhi-mahi.
“Tino ngākaunui ana ō mātou tāngata ki ā rātou mahi, ā, e noho whakahīhī ana ahau i a rātou me tā rātou i tutuki ai mō ā mātou ākonga, kaitukumahi hoki, i tēnei wā panonitanga.
Tētahi kōrero anō, tēnei te whakatau a Te Pūkenga i a Toby Beaglehole, tā BCITO Kaiwhakahaere Mātāmua o mua, ki tana tūranga hou o te Kaiwhakahaere Mātāmua o WBL.
Hei tā te heamana o WBL a John Brockies, “Tino harikoa ana mātou i te kuhunga mai o Toby, inā hoki he tino tautōhito ia ki te rāngai, ā, he tino painga hoki mō WBL tāna whai wāhi ki ngā mahi e haere ana i tēnei wā.”
Ka kōrero hoki a Toby mō te hirahira o tēnei whakawhitinga mō te whakangungu mahi whare i Aotearoa, me tana kī e anga whakamua ana ia kia hāpai i te whakangungu ahumahi hei ahuahu i te mātauranga ahumahinga.
“Me mihi hoki au ki a Fiona Kingsford, Kaiwhakahaere Mātāmua Rīwhi mō āna mahi rangatira hei tautoko i te whakawhitinga o te whānau BCITO ki WBL.
Ka whakaritea he pōwhiri ina hīkina ana ngā here Kōwheori-19 o tēnei wā.
I āianei ka noho te BCITO hei wāhanga pakihi o WBL, pērā anō i Connexis me Competenz, i whakawhitia ā rātou mahi whakarite whakangungu ahumahi i ngā marama kua taha ake nei.