Kua kopoua te Poari Kaiwhakahaere Āpitihanga o MIT me Unitec

E kopoua ana e te Poari Mātāmua o New Zealand Institute of Skills and Technology Establishment Board (te Poari Mātāmua) ngā kaiwhakahaere mō ngā poari o ngā Pūtahi Āpitihanga, Kuratini hoki (ITP), ā, nō te 1 Paengawhāwhā 2020 i mana ai.

Kua whakaae mai ngā tāngata e whai ake nei kia noho hei kaiwhakahaere mō te poari o MIT me Unitec mai i 1 Paengawhāwhā 2020:

Peter Winder – Heamana

Monique Cairns

Ziena Jalil

Andrew Lesa

Peter Parussini

Robert Reid

Steven Renata (Ngāpuhi)

“Ko te whai Poari kotahi mō Unitec me MIT he tūāhua hei tautoko i te nekehanga atu i te wairua o te whakataetae ki tērā o te kōtuituinga tuku ratonga ki tēnā rohe, ki tēnā rohe. Nā te kopounga o tēnei Poari Kaiwhakahaere e haere whakamua anō ki te whai pūnaha mātauranga ahumahinga whakahonohono, mauroa hoki,” hei tā te Heamana Poari Mātāmua, a Barry Jordan.

“Ko te korounga ia mā ēnei kopounga e taurite ai te taha whakahaere me te taha ki ngā hononga taketake ā-rohe, ā hapori hoki. E manawareka ana mātou i te momo o te tangata me ngā tirohanga rerekē kei ia poari, otirā ngā pūkenga me ngā tautōhito hei whakatinana i ngā hua pai mō ōna hapori, mō ōna hapori.”

Ko te hiahia o te Education (Vocational Education and Training Reform) Amendment Act ko te iti rawa kia tokowhā, engari kia kaua e nui atu i te tokowaru ngā kaiwhakahaere mō te poari tuatahi o ia āpitihanga ITP, ā, ko tētahi haurua o aua kaiwhakahaere me mātua noho ki roto i te rohe e ratoa ana e taua āpitihanga.

Hei tā Peter Winder, te Heamana Poari o Unitec me MIT, “Mā te whai mātauranga me te whakangungutanga e huri ai te ao o ngā ākonga, ō rātou whānau, hapori hoki. E tino hiamo ana ahau i ngā whakahoutanga ki te mātauranga ahumahinga, ā, mā reira e whakawhāiti mai ngā wāhanga rerekē o te pūnaha mātauranga e tutuki pai ai ngā hiahia o ngā ākonga, ngā kaitukumahi me ngā hapori.”

Mā te whakakotahi mai i ēnei pūtahi whakahīhī e rua e pai ake ai te whakarite i ngā hiahia o te rohe whānui o Tāmaki Makaurau. E ārita ana au ki te kawe haere i ngā huringa e hua mai ai he otinga pai ake me te ōrite o te whiwhi mō ngā ākonga Māori, Pasifika hoki.

Ka noho tonu a Murray Strong hei kaikōmihana mō ngā marama e ono kia tōtika ai te whakawhiti kawenga.

Kua whakataungia hoki e te Poari Whakapūmau kia noho tētahi mema o Kaunihera NZIST hei kaiwhakahere ki ia poari āpitihanga me tētahi tangata hei ‘kopounga whakawhiti’ hei ārahi haere anō i te nekehanga atu i te wairua o te whakataetae ki te āhua o te kōtuituinga tuku ratonga ki tēnā, ki tēnā rohe. Kua tutuki tēnei o ngā hiahia i te whai poari kotahi mō MIT me Unitec.

Mō te kopou i ngā kaiwhakahaere i whāia e te Poari Whakapūmau i tā te Treasury anga kopounga kaiwhakahaere ki ngā poari o ngā kamupene Karauna. Neke atu i te 370 ngā tono i tae mai i waenga i te wā o te Kirihimete me te huringa o te Tau Hou.

Katoa ngā kopounga ki ngā poari āpitihanga i whakamanahia e te kaunihera NZIST i te 1 April 2020. Ka whakamanahia ngā mema o tēnei Kaunihera e te Minita Mātauranga, Hon Chris Hipkins, i mua i te mutunga o Poutūterangi.

Peter Winder – Heamana

He kaiwhakahaere a Peter i te umanga tohutohu McGredy Winder & Co, ā, koia hoki tērā kua noho hei heamana mō MIT mai i te tau 2013. He mema hoki ia o te Komiti Tohutohu a te Kaikōmihana o Unitec, ā, he mema hoki ia o te Poari Mātāmua o NZIST.

Kua rongonui a Peter i Aotearoa i āna mahi ārahi i te taha kāwanatanga ā-rohe, ā, ko ia tētahi o ngā Kaikōmihana i kopoua hei kaitiaki mō te Kaunihera ā-Rohe o Kaipara i te wā i raru ai taua Kaunihera. Ko Peter te Kaiwhakahaere Matua o te Kaunihera ā-Rohe o Tāmaki Makaurau mō ngā tau e ono i mua i te whakakotahitanga o ngā kaunihera ā-rohe o taua takiwā.

Monique Cairns

He kaiwhakahaere motuhake tautōhito a Monique, ā, he kaiwhakahaere pai hei ārahi i ngā panoni i runga i te wairua auaha, te whakaaro pai me te ngākaunui. Inā kē te whānuitanga o āna mahi i roto i ngā whakahaere, ngā ahumahi me ētahi kaupapa tino matatini.

I tēnei wā, ko Monique te Heamana Tuarua o NZ Home Loans, tētahi Kaiwhakahaere Motuhake o Lotto NZ, SPCA Auckland me The Northern Club. He Kaiwhakahaere Matua hoki a Monique i Caribou Consulting, tētahi umanga tohutohu rautaki pakihi. Kua whai Tohu Paetahi Pakihi i Te Wānanga Aronui o Tāmaki Mākau Rau, ā, kei te ako hoki ia i te reo Māori.

Ziena Jalil

Ko Zienna tētahi kaiārahi toa mō te pakihi me te rangai tūmatanui, he kaitohutohu hoki mō te taha rautaki, tauhokohoko ā-ao me te whakawhanake pakihi, te whakapāpātanga me whakaanga kaiwhaipānga. Kua whai pūkenga ia i āna mahi o mua hei Kaiwhakahaere ā-Rohe (South & SEA) mō Education New Zealand, hei Kōmihana Tauhokohoko mō Aotearoa i HIngapoa.

He mema poari a Zienna o Auckland Tourism, Events and Economic Developments (ATEED), me te Kāhui Matepukupuku ki Tāmaki Makaurau me te Tai Tokerau, he mema o Global Women, me New Zealand Institute of Directors, me Asia 21. He kaitaunaki kaha hoki ia mō te rerekētanga me te whai wāhitanga, he rite tonu tana tū ki te kōrero me te tohutohu i runga i ēnei kaupapa.

Fale (Andrew) Lesa

He kaitohutohu kaupapa here ā-ao a Fale, he kaiwhakahaere tautōhito hoki. I kopoua ia ki te Kaunihera o Manukau i 2009, ā, ka noho ia hei heamana tuarua i te Haikura o Manurewa mō ngā tau tekau kua hipa ake, i reira i arahina e ia te kaupapa whakaakoranga ringarehe.

He mema whakahīhī hoki ia o te Auckland Conservation Board me te Komiti Arotake Child & Youth Mortality. I tēnei wā kei te ārahi ia i te arotake ā-motu mō te Manatū Hauora, ā, he kaitohutohu matua ia ki Oranga Tamariki. Nō nātatanei i kopoua ai a Fale ki Philanthropy New Zealand nā runga i āna mahi whakahaere i tētahi kaupapa tamariki rawakore me te J R McKenzie Trust.

Peter Parussini

I tēnei wā, ko Peter te Pou Whakahaere Tūmatanui, Take Kiritaki, Kāwanatanga hoki o ANZ Bank Aotearoa me te Moana-nui-a-Kiwa.

Ko ia hoki te Heamana o tētahi o ngā kura nui o Manukau, arā, ko Southern Cross Campus i Mangere, ā, he Kāwana hoki ia o Radio New Zealand. Kua noho ia ki te Kaunihera o MIT mai i 2017.

Ko Peter tētahi o ngā tarahiti tuatahi o te kaupapa hāpai rangatahi i Manukau, ko Te Rising Foundation ā, kua whakanuia hoki ia i runga i ana mahi mō te mātauranga i roto i ngā hapori rangaiti o reira, ā, i whakawhiwhia ia  ki tētahi Tohu “Outstanding Service” e te rōpū kura AIM HI (Achievement in Multi-Cultural High Schools).

I noho hoki a Peter hei Kaikaunihera mō te Kaunihera o Pōneke, ā, he Tarahiti hoki ia o te Wellington International Festival of the Arts, he Ahorangi Tāpiri hoki i The George Washington University, ā, he kaiwawao whutupōro hoki. He mema, he tāura hoki a Peter o te Australian Institute of Company Directors.

Robert Reid

Ko Robert te Perehitini me te Hekeretari Matua o mua o FIRST Union te māngai mō ngā kaimahi e 30,000 i roto i ngā rāngai taha pūtea, taha hokohoko, te kawehaerenga o ngā rawa, te whakanao, te mahi hanganga me te hauora. He mema Poari hoki ia o Textiles NZ me te Whakahaere Whangungu Ahumahi Footwear me te Poari o Kaunihera Haumaru o te Ahumahi Mahi Ngahere.

He ringarehe taketake ia ki te whakatau-taputapu mahi, ā, he maha hoki ana kopounga Kāwanatanga mō te taha ki ngā pūkenga me te tukumahi ahumahinga, ā, he mema anō ia i te Rōpū Tohutohu Mātanga Oranga o tēnei Kāwanatanga. Kua whai a Robert i te Pōkairua Tāura Whanaketanga Ōhanga mai i te Auckland University of Technology.

Steven Renata

Ko Steven Renata (Ngāpuhi – Ngāti Pakahi, Ngāti Rehia) te Manutaki i KIWA Digital, tētahi kamupene nō rāua ko tētahi atu, ā, he kamupene pakihi hangarau nō Aotearoa i roto i te rāngai ratonga reo.

I whānau mai ia i Kawakawa, ā, ka tipu ake i Milton, i Ōtākou, i ngā tau ki mua he pūkenga mahi tāpoi, he mema tuatahi o Les Mills International, he tarahiti marae hoki me āna mahi kaiwhakahaere poari mō ngā tau tekau. Kua whai Tohu Paerua Commerce a Steven mai i te Whare Wānanga o Ōtepoti.