I te marama o Mei 2020 i whakaputahia e mātou ngā pūrongo e whitu mō Te Whakaoreore i Te Ao Hou, me te tono whakahokinga kōrero. Nā, kua oti i a mātou te whakarāpopoto i ngā whakahokinga kōrero arā Te Whakaoreore i Te Ao Hou He Whakarāpopoto o ngā Whakohokinga Kōrero. Kua tirotirohia e te Kaunihera NZIST tēnei whakahokinga kōrero tino whaihua, ā, e wātea ana i āianei kia whakamahia hei taonga whakaaro mō te whakaumu i tā Aotearoa rāngai mātauranga ahumahinga, mō te whakawhanake hoki i te tauira whakahaere a NZIST.
Mō Te Whakaoreore i Te Ao Hou
E whitu ngā rōpū mahi me ōna tāngata e 76 mai i ngā wāhanga katoa o te rāngai mātauranga ahumahinga nā te Poari Mātāmua IST i whakarite ki te wānanga i te anamata o te mātauranga ahumahinga ina whakatūria te NZIST. Ka tonohia ngā rōpū mahi ki te wānanga i te anamata o te tuku mātauranga ahumahinga.
Nā te mea kua huri te ao i runga i te pānga mai o te urutā COVID-19 mai i te wā i whakaritea ēnei pūrongo, he mea whaitake tonu i a tātou e ahu atu ana ki te whai huarahi kē hei tuku mātauranga ahumahinga.
Ka kitea ngā Pūrongo Te Whakaoreore i te Ao Hou i tā mātou pae.