E kopoua ana e te Poari Mātāmua o New Zealand Institute of Skills and Technology Establishment Board (te Poari Mātāmua) ngā kaiwhakahaere mō ngā poari o ngā Pūtahi Āpitihanga, Kuratini hoki (ITP), ā, nō te 1 Paengawhāwhā 2020 i mana ai.
Kua whakaae mai ngā tāngata e whai ake nei kia noho hei kaiwhakahere mō te poari o UCOL mai i 1 Paengawhāwhā 2020:
Ripeka Evans (Ngāpuhi, Ngāti Porou, Te Aupōuri, Ngāti Kahu) – Heamana
Murray Bain – Heamana Tuaru
Nicole Anderson (Ngāpuhi)
Erena Kara (Ngāpuhi)
Matt Keane
Bronwyn Yates (Ngāti Rangiwewehi, Ngāti Whakaue)
“Ko te kopounga o tēnei o ngā Poari Kaiwhakahaere tētahi o ngā mahi nui hei wāihanga i tētahi pūnaha ahumahinga piritahi, mauroa hoki,” ki tā Barry Jordan, te Heamana o te Poari Mātāmua.
“Ko te korounga ia mā ēnei kopounga e taurite ai te taha whakahaere me te taha ki ngā hononga taketake ā-rohe, ā hapori hoki. E manawareka ana mātou i te momo o te tangata me ngā tirohanga rerekē kei ia poari, otirā ngā pūkenga me ngā tautōhito hei whakatinana i ngā hua pai mō ōna hapori, mō ōna hapori.”
Ko te hiahia o te Education (Vocational Education and Training Reform) Amendment Act ko te iti rawa kia tokowhā, engari kia kaua e nui atu i te tokowaru ngā kaiwhakahaere mō te poari tuatahi o ia āpitihanga ITP, ā, ko tētahi haurua o aua kaiwhakahaere me mātua noho ki roto i te rohe e ratoa ana e taua āpitihanga.
Hei tā Ripeka Evans te Heamana Poari o Tai Tokerau Wānanga, “E tino ngākaunui ana ahau ki te whaikoha ki tēnei Poari me aku pūkenga whanake ōhanga, kia tuitui hononga me ngāi Māori me ngā iwi, whakarite panoni nui hei painga anō mō te Poari. Kia hīkoitia tēnei ara hou me ngā āhuatanga hou anō mō te mātauranga ahumahinga.”
“Ko taku tino whāinga ia, whai hua, painga anō hoki aku mahi mō te rohe o Te Tai Tokerau. Mēnā ka whai hua ngā iwi me ngāi Māori i ā mātou mahi, ka whai hua anō ngā tāngata katoa o te motu. Kia ora mārika te iwi Māori, ka ora anō te Tai Tokerau me Aotearoa whānui.”
Hei ārahi haere i te nekehanga atu i te wairua o te whakataetae ki te āhua o te kōtuituinga tuku ratonga ki tēnā, ki tēnā rohe, kua whakataungia e te Poari Whakapūmau kia noho tētahi mema o Kaunihera NZIST hei kaiwhakahere ki ia poari āpitihanga ITP. Tērā e whiwhi ia poari tētahi tangata hei ‘kopounga poari-rua. Ka whakataungia ēnei ingoa i te marama o Paengawhāwhā’.
Mō te kopou kaiwhakahere i whai te Poari Whakapūmau i tā te Treasury anga kopounga kaiwhakahaere ki ngā poari o ngā kamupene Karauna. Neke atu i te 370 ngā tono i tae mai i waenga i te wa o te Kirihimete me te huringa o te Tau Hou.
Katoa ngā kopounga ki ngā poari āpitihanga i whakamanahia e te kaunihera NZIST i te 1 Paengawhāwhā 2020. Ka whakamanahia ngā mema o tēnei Kaunihera e te Minita Mātauranga, Hon Chris Hipkins, i mua i te mutunga o Poutūterangi.
Ripeka Evans – Heamana
Kua noho a Ripeka (Ngāpuhi, Ngāti Porou, Te Aupōuri, Ngāti Kahu) hei kaiwhakahaere, hei Heamana, Kaiwhakahaere Mātāmua, hei kaitohutohu rautaki hoki. Kei Te Whanganui a Tara ia e noho ana, ā, he kaitohutohu ia e arotahi ana ki ngā whakahoatanga Tiriti me te whanaketanga ōhanga.
I tīmata a Ripeka i runga i tana ara mahi i te Māori Economic Development Commission, i muri mai i tērā, ki Television New Zealand. Kua noho hoki ia hei Kaiwhakahaere Mātāmua ki Te Māngai Pāho, ki Toi Eastern Bay of Plenty Economic Development Agency hoki, me ētahi tūranga kaiwhakahaere, tarati hoki ki Te Aupōuri Fisheries Limited me Te Rūnanganui o Te Aupōuri. He mema hoki ia o te Komiti Rautaki Te Ao Māori o te Pūtea Matua o Aotearoa.
Murray Bain – Heamana Tuarua
He kaiwhakahaere kamupene nō Te Tai Tokerau a Murray e mahi ana i roto i ētahi rāngai. Ko ia te Heamana Tuarua o TSB Bank, te Heamana hoki o TAS, tētahi kamupene tuku ratonga rua. I ngā tau ki mua i kawea e ia te whānuitanga o ngā tūranga kaiwhakahaere pērā i te Heamana o te Kuratini Tuwhera.
I mua, ko ia te CEO o te Ministry of Science and Innovation, te CEO hoki o te Foundation for Research, Science and Technology, te Kāwana Tuarua i te RBNZ, te Āpiha Whakahaere Matua i ACC me te Upoko o te Taha Pūtea mō Trust Bank NZ.
He Pūkenga Whai Mana a Murray i te Institute of Directors, ā kua whai Tohu Paerua hoki mō te Tauhokohoko (Mahi Ohaoha) mai i te Whare Wānaka o Waitaha.
Nicole Anderson
DipAcc, DipBus, DipMgt, PGDPH, CMInstD
Ko Nicole (Ngāpuhi) he Kaiwhakaere mai i ngā kaupapa o te kaitiaki kaute, te hauora me te whanaketanga pakihi. Ko tāna i tino arotahi ai ko te mahi tahi me ngā whakahaere e hāpai ana i a ngāi Māori, me ngā whakahaere tūmatanui, tūmataiti hoki e aro ana ki ngā kaupapa-here, te whanaketanga ōhanga me te kaitiakitanga.,
He mema whai mana ia o te Institute of Directors, ā, i tēnei wā he Kaiwhakahaere a Nicole o Northland Inc, Fluid Chemicals Ltd, PHARMAC me Manea Footprints of Kupe Ltd. He Tarahiti hoki ia o Te Rūnanga A Iwi O Ngāpuhi, ā, he mema anō hoki o Te Pou Atawhai Taiao o Aotearoa me te Poari Hauora ā-Rohe o te Tai Tokerau.
He mema o mua a Nicole o te Kaunihera o Te Wānanga Aronui o Tāmaki Makaurau arā, AUT, te Heamana hoki o te Ohu Mātauranga Māori o taua Kaunihera anō.
Erena Kara
Ko Huruiki te maunga. Ko Waiariki te awa.
Ko Ngatokimatawhaorua te waka. Ko Whakapara te marae.
Ko Ngāti Hau me Ngāti Hao ngā hapū. Ko Ngāpuhi te iwi.
Ahu mai ana a Erena i ngā mahi ā-hapori, ā-iwi hoki, ā, kua whai Tohu Paerua Tikanga ā-Iwi. Kua noho ia ki ētahi tūranga hei hāpai i te oranga o te hapori, pērā i ngā kaituku ratonga Māori me ngā tari kāwanatanga.
E noho ana a Erena ki ētahi rōpū hei kaiwhakahere pērā i te Ngāpuhi Asset Holding Company me Ngāpuhi Iwi Social Services. I tēnei wā ko ia te Heamana o Te Kotahitanga E Mahi Kaha Trust, he Tarahiti mō Te Kura Kaupapa Māori O Kaikohe, me te Community Research Centre anō hoki.
Matt Keene
Ko Whangārei te kāinga tipu o Matt. I muri i tana whakaoti i te Tohu Paetahi Akoranga Whakahaeretanga i te Te Whare Wānanga o Waikato ka haere ia ki Ingarangi me Ūropi mahi ai i roto i te ahumahi taha pūtea, te torotoro ā-waea hoki. E 25 tau a ia e mahi ana i roto i te rāngai Hangarau Mōhiohio, ā, he kaiwhakahaere takirua ia i tētahi kamupene waihanga pūmanawa i Whangārei. Kei te kawe hoki a Matt i ngā tūranga kaitiaki mō ētahi poari arumoni-kore i ngā rāngai toi, taiao, mātauranga hoki.
Bronwyn Yates, QSM
Ko Te Arawa, Horouta, Takitimu, me Tainui ngā waka.
Kua roa a Bronwyn e kawe ana i ngā tūranga kaitiaki, kaiwhakahaere mātāmua hoki. Kei te noho ia hei kaitiaki ki te Kaunihera o Te Wānanga o Te Tai Tokerau me te Toitū Kaupapa Māori Mātauranga. Kei te kawe tūranga anō a Brownyn i ngā rōpū tohutohu a-kāwanatanga me ētahi whakaruruhau. Ko ia Te Tumuaki (CEO) o Literacy Aotearoa Charitable Trust, me tana kawe i ngā mahi whanaketanga ngaiotanga mō ngā tūranga kaiwhakahaere, kaitiaki hoki.
Tino ngākaunui ana a Bronwyn ki te hiranga o te mātauranga mō te katoa, ā, kei te kite anō ia i ngā huarahi kia ea ai ngā kupu taurangi a Tai Tokerau Wānanga, e pai ake ai te ora o te tangata mā te mātauranga.