Ahakoa ngā piki me ngā heke o te pānga mai o COVID-19, kua tahuri anō te Heamana Murray Strong rāua ko te Kaiwhakahaere Mātāmua Stephen Town ki te toro haere i ngā āpitihanga 16 a NZIST.
E tāria ana e Murray rāua ko Stephen te wā e toro haere rāua i ngā āpitihanga 16 a NZIST. Kua whai wā kē a Murray ki te toro i te katoa o ngā āpitihanga 16 i a ia e kawe ana i te tūranga Kaiwhakahaere Matua o te Rōpū Whakatūranga i NZIST, heoi ka whai huarahi a Stephen ki te toro i ia āpitihanga.
“He take nui ki a māua kia auau tonu ngā wā toro haere mō māua – he mea nui anō hoki te whai wā me te hui kanohi ki te kanohi kia angitu tonu tātou ā ngā rā ki tua.” te kī a Stephen. Kei te hiahia māua ki te huitahi, ki te kōrero tahi hoki me ngā kaimahi, te hunga ākonga me te hunga whaipānga ahakoa kei hea, heoi ka tae atu māua ki te whakarongo.”
Whai muri i tā te Kāwanatanga arotake i ngā pae mataara o te motu, me te āta whakarite i ngā whakatūpatotanga e tika ana, kua whakaritea anōtia ngā whakaaturanga. Ka tū te mea tuatahi ki SIT, ki Waihopai ā te Wenerei 16 o Hepetema.
He take nui whakahirahira ki a mātou te hauora me te haumaru o te tangata. E kaikā ana mātou ki te puta ki te toro haere, engari anō kei te mōhio tonu mātou ki ngā putanga kētanga o te wā. Kei te anga atu ki ngā toronga, engari me tika te haere kia noho haumaru, hauora tonu ngā tāngata katoa. Kei te mōhio hoki he maha ngā pātai a tēnā, a tēnā, ā, kei te anga atu kia whai wā mātou ki te whakarongo, ki whakatu hoki i ngā momo pātai katoa.” Te kī a Stephen.
Ka kōrero a Murray rāua ko Stephen me ngā kaimahi, ngā ākonga hoki mō ngā take whānui tae atu ki te tirohanga anamata o NZIST, ka tā te kōtuinga e mahi ai hei whakatutuki i te whiwhi ōrite, me te whai kia noho ko ngā ākonga te pūtake, hei tūāpapa anō mō te pūnaha mātauranga ahumahinga hou rawa.
Ehara taku toa i te toa takitahi, te toa taki tini.
My strength is not mine alone, but that of the collective.