E harikoa ana mātou ki te whakapuaki ki a koutou
Tō Mātou Tirohanga Roa
He akoranga whaihua – kia waihanga i te ao o āpōpō
Tō Mātou Pūtake
E tuku ana e Te Pūkenga ngā huarahi mātauranga hiranga, tino kounga hoki hei tautoko i ngā ākonga, ngā kaitukumahi me ngā hapori ki te whiwhi i ngā pūkenga, mōhiotanga, āheinga hoki kei te hiahiatia e Aotearoa i āianei, mō āpōpō hoki. Noho ai ngā ākonga me ō rātou whānau hei pūtake mō ā mātou mahi katoa.
Ā Mātou Uara
Manaaki. Aroha. Tiaki
Mahi Tahi. Whanaungatanga. Tātai hono. Mahi tohungatanga
Kia tupu, kia hua. Tū horomata. Tohungatanga
Ā Mātou Whāinga Mātauranga Tōmua
E rima ā mātou whāinga mātauranga tōmua. Hei hāpai i a mātou ki te whakatutuki i ā mātou hiahiatanga e ai ki te ture, hei ārahi hoki i tā mātou mahi mō ngā tau kei te tū mai.
- Kia mau tonu te arotahi ki te ōritetanga me te whai wāhitanga – ka whakahōnore, ka hāpai hoki mātou i Te Tiriti o Waitangi i roto i ā mātou mahi katoa.
- Te tuku huarahi ako e rite ana ki ngā hiaiha o ngā ākonga me ngā tauira ahakoa kei hea.
- He painga anō tō mātou nui, tō mahi whānui hei whakakaha i te kounga me te whānuitanga o te tuku akoranga puta noa i Aotearoa. Kia hiranga te tuku mātauranga mō te katoa.
- Ngā ratonga e tutuki ai ngā hiahia whāiti o ia rohe, o ngā kaitukumahi me ngā hapori.
- Kia ngāwari, kia tika te whakawhitinga o ngā ratonga mātauranga
E kī ana te Kaiwhakahaere Mātāmua o Te Pūkenga a Stephen Town, “E tohe ana mātou ki te tuku huarahi mātauranga hiranga, tino kounga hoki e tautoko ana i ngā ākonga, ngā kaitukumahi me ngā hapori ki te whiwhi pūkenga, mōhiotanga, āheinga hoki kei te hiahiatia e Aotearoa i āianei, mō āpōpō hoki. Noho ai ngā ākonga me ō rātou whānau hei pūtake mō ā mātou mahi katoa.
“E whai ana mātou i tētahi whakaumutanga nui ki te pohewa anō i te pūnaha mātauranga ahumahinga, me te mātua whakarite kia haere tonu ngā ākoranga mō te hunga kei te whai tohu i tēnei wā, kia mihi tonu ki ngā mahi pai rawa o mua atu, me te hoahoa ngātahi i te ao hou kia maha atu ngā tāngata o Aotearoa e tutuki ana i ō rātou hiahia mā te mātauranga ahumahinga. Ka pērā te whakatutuki i ngā whāinga me ngā wawata mēnā ka hīkoi tahi ngā tāngata katoa o tā mātou hapori i tēnei ara. Mā te mārama o te tirohanga, o te pūtake me ngā whāinga tōmua, me ngā uara kaha hei tūāpapa, ka tutuki rawa i ā mātou whāinga.
Ko te tirohanga roa m engā uara ngā āhuatanga mātuatua o Te Pūkenga. Mā ērā e mārama ai te aronga ki te whakaaro rautaki, ki ā mātou mahi katoa o ia rā. Kia noho tā tou katoa i runga i te whakaaro kotahi, arā ngā mea ka taea e tātou, ā, he nui ngā mahi mā tātou.
Mā ā mātou uara e āwhina i a mātou ki te whakatinana i te tirohanga roa o Te Pūkenga me te pāpātanga ōna ki te rāngai. Mā ngā uara hoki e taea ai ngā tangata o roto, o wahi hoki o Te Pūkenga kia kite, kia rongo hoki ngā whakapono me ngā whanonga tika o tēnei huarahi ki te akoranga ā-pūkenga me te pohewa anō i te mātauranga ahumahinga i Aotearoa. Mā ngā uara ana mātou katoa e āwhina kia mōhio ko wai mātou, kia rite mātou ki a wai tangata, he āwhina hok mātou kia noho haepapa ki ngā mea e ngākaunuitaia ana. Te māramatanga hāngai, te whakaanga me te whai a ō mātou tāngata i ngā uara, koina tā mātou e tohe ana, me te whakarite wheako ōrite, whaihua mō ngā ākonga me ngā kaitukumahi.
Pērā i ngā tū haerenga katoa, kia kauneke haere tēnei whakaumutanga, tērā e tipu haere anō tā mātou tirohanga roa, pūtake me ngā uara hoki.