I ia marama hui ai te Poari Akoranga a Te Pūkenga. Ka taea e koe te pānui i ngā meneti o ā rātou hui i konei.
E whakapau kaha ana a Dr Angela Beaton ki te whakamahere i te anga tohu mātauranga me te anga ture i Te Pūkenga – ko tā tēnei mahi he mātua whakarite ka tutuki i ā mātou ara tuku, ara kounga hoki ngā hiahia o ā mātou ākonga, ahumahi, kaitukumahi me ngā hapori. E tākare ana ia ki te tuaringia whānuitia tēnei mahi ki ngā kaiako. “He kaupapa nui te whakahere i ngā mahi kei mua i a mātou, me te aha, arā ngā ara whakaongaonga mō mātou ki te mahitahi hei kōtuinga i runga i ngā wāhi pūmātauranga, tukunga hoki.
“I tēnei wā tonu, e mahi ana mātou ki te whakaū i ngā Tikanga mō Te Poari Akoranga me ngā ture pūmātauranga mō Te Pūkenga – ko tā tēnei he whai kia tika ngā huarahi kaitiakitanga. Ko te mātua whakarite kia kounga kia pono hoki tā mātou e tuku ana, ko te hāpai hokii te angitu o te ākonga me te arotahi kia ōrite ngā hua, he tikanga matua a te Poari Akoranga. Ka whakatau, ā, ka tuari hoki i ā mātou Tikanga ā te marama o Hanuere 2021,” te kī a Angela.
E tutuki ai te hiranga o Te Tiriti o Waitangi i ngā wāhanga katoa, e whakamahi ana mātou i te Anga Hiranga Tiriti o Te Pae Tawhiti. Kua whakahāngai hoki mātou i ēnei mahi ki ngā aramahi whakawhiti matua, me te whanaketanga o te tauria whakahaere hou mō Te Pūkenga. Kua whakaotia tētahi mahere whānui hei tautoko i te auahatanga i roto i te whanaketanga me te tukunga pūmātauranga, ā, ka tuaringia tēnei mahere ki te rapu whakaaro mai i ngā āpitihanga me ngā ITO tauwhiro. Waihoki ka kimi whakapuaki whakaaro mātou mai i ngā kaimahi e ngākaunui ana ki te uru ki te Poari Akoranga, ki ngā kōmiti iti ā-motu a te Poari Akoranga me ngā rōpū mahi whāiti momo ako.
I runga i tēnei pūtake, atu i tēnei wā ki te mutunga o te tau 2022, mātua ka arotahi ki ngā aramahi e rima i roto i te kōpaki Tukunga me te Pūmātauranga:
- Te Kounga – Ka hoahoa, ka whakarite hoki he anga tohu mātauranga, anga ture hoki hei tautoko i te whakaumutanga o tā mātou tukunga.
- Te Tukunga – Kia tīmata te tukunga ā-kōtuinga, whai tikanga, mea turuki kia arotahi ki te kounga me ngā tauira tukunga auaha.
- Ā ao whānui – ka whakatika i te rautaki ā-ao whānui puta noa i tā Te Pūkenga kōtuinga.
- Te whanaketanga hua – Whakaritea kia taea ai te hoahoa hua auaha e whakauru mai ana i te mātauranga Māori, ngā tauira tukunga hou me ngā tikanga mahi hei whakatutuki i ngā hiahia panoni o ngā ākonga me ngā kaitukumahi.
- Te Rangahau Māori – Ka whakakaha i te rangahau Māori, ā, ka whakatītina hoki i te mahitahi puta noa i te kōtuinga hei whakatipu i te kaha me te āheinga me te whakaatu i ngā wāhanga o te kahanga.
Hei te tau 2021ka mahi yahi mātou me ngā tāngata mai i te kōtuinga whānui kia koke whakamua ai tēnei mahi. He mea tino whaihua tā rātou tohungatanga, ā, he mea whaitake hoki kia kōkiri i te auahatanga pūmātauranga hei painga anō mō ngā ākonga, ngā ahumahi, ngā kaitukumahi me ngā hapori.
Hei nui tonu ngā mahi hei māhi mā tātou, ā, mā te mahitahi ka taea.
Nāu te rourou, nāku te rourou, ka ora ai te iwi.
By working together, we can all flourish.