Kei te ū a Te Pūkenga ki te whakaaro kia whakamanahia ngā kaimahi me ngā ākonga, kia whai reo kaha hoki. Mā konei e mātua urupare mātou ki ngā hiahia o ngā rohe katoa o Aotearoa me ō rātou ākonga, ahumahi, kaitukumahi, hapori hoki.
Kei te haere tonu ngā mahi hei whakatau i te tukanga e whakatūria ai ngā komiti kaimahi, ākonga hoki, kia whai māngai ēnei rōpū ki te Kaunihera a Te Pūkenga. Kia tau rawa ngā komiti kaimahi, ākonga hoki ka whiriwhiria tētahi māngai mō ia komiti māna e noho hei mema tūturu ki te Kaunihera a Te Pūkenga.
I whakahaere mātou i ētahi hui awheawhe me ngā māngai kaimahi, ākonga hoki me ngā uniana. Āpiti atu ki tērā ka tukua he patapataitanga ki ngā kaimahi katoa o te kōtuinga i te marama o Oketopa kia whānui ai te kohikohi whakaaro mō te tukanga komiti, tukanga pōti hoki.
Ka uia e te patapataitanga he whakaaro mō te hunga me whai māngai rawa ki te komiti kaimahi, mō te tukanga pōti mē ōna āhuatanga, te pūtake o te komiti, me ōna tikanga whakahaere.
Tata ki te 700 kaimahi mai i ngā rohe o Aotearoa i urupare ki te patapataitanga. Ka whakaū ō rātou urupare he mea tino whaitake te whakarite tikanga e rangona ai ngā reo o ngā kaimahi mā aua komiti. Ka whakaū hoki ngā urupare ko aua māngai me whakaata i ngā rōpū kaimahi katoa – pūmātauranga, ngā kaiwhakahaere ā-tari, ngā tūranga tautoko ākonga me ētahi atu, me te mōhio hoki kia whakaata ngā komiti i te rerenga kētanga ā-iwi o te ohu mahi.
Ka taunaki ngā whakahoki kōrero mō te tukanga pōti i te hiranga o te ngā pōti, kia tika te whakarite, me ngā whakahaere, kia kore ia e whakaawetia e ngā kaiwhakahaere matua o ngā āpitihanga. Tērā ētahi tāngata i kī mai me whakarite te tukanga kia kitea, kia kaha hoki ngā māngai mō ngā rohe, kia rongona hoki aua reo.
Mō ngā tikanga whakahaere me te arotahi a ngā komiti, ko te kaupapa matua i kitea i te patapataitanga ko te hiahia kia noho te komiti hei ara whakawhitiwhiti kōrero, whakaaro hoki, kia whai mana hoki ērā ki te kawe kōrero atu ki ō rātou tīma. Ko tērā tētahi atu whakaaro i kitea i ngā whakahoki kōrero.
Muri mai i te patapataitanga, kei te āta whakarite kia hāngai ngā tikanga o te pōtitanga me te whakatū komiti ki ngā whakahoki kōrero a ngā kaimahi, ā, kia tika hoki mō tēnei kaupapa, otirā, mō ngā rā kei te tū mai.
Ka haere ngātahi te mahi whakatū komiti kaimahi, komiti ākonga hoki i tērā mō te komiti Māori e haere. ake nei.
Mō tēnei wā, ka whai wā tonu te uniana kaimahi me te uniana ākonga ki ngā hui a te Kaunihera hei whakatakoto i ō rātou whakaaro, ā ratou take hoki.