I tēnei ahiahi, i huitahi ā-ipurangi ngā ākonga me ngā kaimahi puta noa i Aotearoa ki te whakarongo ki a Hon Chris Hipkins me tana pānui i te ingoa hou, ingoa tūturu mō NZIST.
Nā te hangarau pāhotanga inamata, i tukua ai te tūāhua pānuitanga i tū ki Kirikiriroa, tata ana ki te tari matua o Te Pūkenga, ki te kōtuinga mātauranga ahumahinga, me te tūhono mai o ngā āpitihanga me ngā ITO Whakawhiti.
Nā runga i ngā hononga mai 320 neke atu ki te pānuitanga, i whai wāhi ai te maha noa atu o ngā tāngata ki te rongo hawene i ngā kōrero.
I Ōtepoti, ka hui tētahi rōpū ki te Kuratini o Ōtepoti ki te tuari i te pānuitanga, i pāhotia rā i tētahi wāhi tūmatanui o te kuratini tonu. Ko tōna 50 tāngata tērā e mātako ana i te mata nui, i āhurutanga o te Hub Atrium me te hukarere e puhia haeretia ana i waho.
I te Tāmaki Makaurau, ke hui ngā tāngata o Te Whare Takiura o Manukau ki te wharenui o Ngā Kete Wānanga Marae i Otara ki te mātaki i te pāhotanga inamata.
I whakamāramatia e te Kaiwhakahaere Mātāmua Tuarua MIT, Tākuta Wiremu Manaia (Tainui/Ngāti Awa), ko Ngā Kete Wānanga Marae tētahi wāhi e tīmata ai ā mātou ākonga, kaiamahi katoa i tō rātou haerenga i MIT, nā konei te whakaaro koia nei te wāhi tika hei whakamānawa i tēnei rongo kōrero. Ki a mātou he take nui tēnei, ā, māna e tohu i tēnei wāhanga o te koki whakamua. I roto i te ao Māori, he take nui te tapa ingoa. Mā te ingoa anō e whakairo i tōna kaupapa, e whakakotahi ai i a tātou i runga i te waka kotahi, me te aha ka riro mā tātou tonu – ngā kaimahi me ngā tauira – e whakaatu i tōna tikanga i roto i ā tātou mahi o ia rā.
He kaupapa nui tēnei pānuitanga motuhake puta noa i Aotearoa. I huitahi te iti me te rahi o ngā ākonga me ngā kaiamahi ki te mātaki i te pānuitanga o te ingoa hou. Arā, ki Timaru (Ara Institute of Canterbury), ki Māwhera (Te Kuratini o Tai Poutini), ki Tauranga (Toi-Ohomai) me Ngāmotu (Te Kura Matatini o Taranaki). I mātaki hoki ngā kaimahi o MITO, BCITO, Competenz me ServiceIQ i te pānuitanga.Pānuitia te roanga atu o ngā kōrero mō tēnei tūāhua.
Kia rongo kōrero anō mai i a Pam Roa (Longveld Ltd) nāna i tuari tana kōrero i te whakarewatanga.