E whai ana te NZIST kia tutuki i te ōritetanga mō ngā ākonga Māori mā Te Pae Tawhiti, tōna anga hiranga hou mō Te Tiriti o Waitangi.
E whakahaua e te ture te NZIST kia tutuki i te ōritetanga mō ngā ākonga Māori. Kua āta tuhia tēnei ki tā mātou Tūtohinga, ā, kei te aronui mātou ki tēnei take i raro i te Tiriti o Waitangi. Hei kōkiri i tēnei kaupapa, kei te whakaritea tētahi anga hiranga hou.
Kua hangaia te anga i runga i ngā kitenga mai i Kōrero Mātauranga, he kaupapa nā te Tāhhuhu o te Mātauranga, i whai wāhi ai a ngāi Māori, ngā hapū me ngā iwi ki te whakapuaki ki te Kāwanatanga i tō rātou i hiahia ai mō te Mātauranga Māori.
Ka tautoko Te Pae Tawhiti i ngā kawenga rangapū o NZIST kia mātua whakamana ana te kaitiakitanga me ngā whakahaerenga o te NZIST i te Tiriti o Waitangi, kia mōhio anō he wāhi nui tō ngāi Māori ki te whanaketanga ā-rohe, pāpori, taiao, ohaoha hoki, kia urupare hoki ki ngā hiahia o ngāi Māori, ā, kia pai ake ngā hua mō ngā ākonga Māori, ngā whānau, ngā hapū me ngā kaitukumahi.
“Mōhio tonu mātou ehara i te mea me panoni ngā ākonga, ngā hapori Māori rānei kia rite ki tā mātou i hangā ai, engari mā mātou kē e mātua whakarite kia pai ake ā mātou ratonga hei painga mō ngāi Māori,” te kī a William Workman, Kaitohutohu Matua mō NZIST.
“Hei whakatau i tēnei mahi me whai kia noho tangata whenua tonu tēnei anga hou o mātou ki ā mātou mahi katoa. Ko tōna aronganui he whai kia pai ake ngā mahi o tēnei wā kia kite i te rerekētanga ā te tau 2021.
“Kua whakaatu te NZIST he mea tino whaitake ki te angitu te mana ōrite me te mahi ngātahi me ngāi Māori.”
Kāore tēnei mahi e whakakapi ana i ngā kaupapa o tēnei wā e hāpai ana i ngā whakatau i raro i Te Tiriti ki ngā whakahoatanga ā-iwi, ā-hapū hoki, ki a ngāi Māori rānei. E mōhio ana tā NZIST Kaunihera mō tēnei wā, ka riro mā ngā āpitihanga e aro atu ki ngā hiahia me ngā wawata o ngā hapori Māori huri noa i tō mātou kōtuinga.
Ka arahina e DCE Ana Morrison te Tīma Whakahoatanga me te Ōritetanga, ina tīmata ia ā ngā wiki mutunga o Oketopa. Ka whakaanga te tīma ki ia āpitihanga ki te tuari i Te Pae Tawhiti ki te iwi whānui, ā, ka kōrero hoki mātou me ngā whakahoatanga Tiriti ā ngā marama kei te tū mai, mō te whanake haeretanga o te anga hou.