E kopoua ana e te Poari Mātāmua o New Zealand Institute of Skills and Technology Establishment Board (te Poari Mātāmua) ngā kaiwhakahaere mō ngā poari o ngā Pūtahi Āpitihanga, Kuratini hoki (ITP), ā, nō te 1 Paengawhāwhā 2020 i mana ai.
Kua whakaae mai ngā tāngata e whai ake nei kia noho hei kaiwhakahaere mō te poari o UCOL mai i 1 Paengawhāwhā 2020:
Alison Broad – Heamana
Murray Donald – Heamana Tuarua
Janet Copeland
Barry Jordan
Aimee Kaio (Kāi Tahu, Te Arawa me Ngā Puhi)
Darren Rewi (Waitaha, Ngāti Māmoe, Ngāi Tahu, Ngāti Kahungungu ki te Wairoa)
“Ko te kopounga o tēnei o ngā Poari Kaiwhakahaere tētahi o ngā mahi nui hei wāihanga i tētahi pūnaha ahumahinga piritahi, mauroa hoki,” ki tā Barry Jordan, te Heamana o te Poari Mātāmua.
“Ko te korounga ia mā ēnei kopounga e taurite ai te taha whakahaere me te taha ki ngā hononga taketake ā-rohe, ā hapori hoki. E manawareka ana mātou i te momo o te tangata me ngā tirohanga rerekē kei ia poari, otirā ngā pūkenga me ngā tautōhito hei whakatinana i ngā hua pai mō ōna hapori, mō ōna hapori.”
Ko te hiahia o te Education (Vocational Education and Training Reform) Amendment Act ko te iti rawa kia tokowhā, engari kia kaua e nui atu i te tokowaru ngā kaiwhakahaere mō te poari tuatahi o ia āpitihanga ITP, ā, ko tētahi haurua o aua kaiwhakahaere me mātua noho ki roto i te rohe e ratoa ana e taua āpitihanga.
E kī ana a Alison Broad te Heamana Poari SIT, “E anga whakamua ana au ki te mahi tahi me aku hoa Poari me ngā kaiwhakahaere ki mātua tipu ora ai te SIT i roto i tēnei ao hou. I harikoa ana ahau ki ngā momo pūkenga, tautōhito hoki o te poari hou, me ngā hononga ki ngā mema o SIT Kaunihera e heke atu ana, ngā hononga hoki ki te tirohanga ā-motu.
Ka tuwhera mai i ēnei whakahoutanga he huarahi mō tātou hei whakapiki painga, hei whakakaha i ngā hononga ki ngā iwi me te mahi tahi me ngā hapori me ngā ahumahi kia tū kaha tonu hei kaituku akoranga ahumahinga, whakangungu pakari.
Hei ārahi haere i te nekehanga atu i te wairua o te whakataetae ki te āhua o te kōtuituinga tuku ratonga ki tēnā, ki tēnā rohe, kua whakataungia e te Poari Whakapūmau kia noho tētahi mema o Kaunihera NZIST hei kaiwhakahaere ki ia poari āpitihanga ITP. Tērā e whiwhi ia poari tētahi tangata hei ‘kopounga poari-rua’. Ka whakataungia ēnei ingoa i te marama o Paengawhāwhā.
Mō te kopou kaiwhakahaere i whai te Poari Whakapūmau i tā te Treasury anga kopounga kaiwhakahaere ki ngā poari o ngā kamupene Karauna. Neke atu i te 370 ngā tono i tae mai i waenga i te wā o te Kirihimete me te huringa o te Tau Hou.
Katoa ngā kopounga ki ngā poari āpitihanga i whakamanahia e te kaunihera NZIST i te 1 April 2020. Ka whakamanahia ngā mema o tēnei Kaunihera e te Minita Mātauranga, e Hon Chris Hipkins, i mua i te mutunga o Poutūterangi.
Alison Broad – Heamana
MNZM, QSM, BA, PGDA, MA (Dist)
He hononga hōhonu ā whānau tō Alison ki te rohe o Murihiku me ana mahi whānui i roto i te ao mātauranga, ngā kaupapa ā-hapori me te kaitiakitanga. Kua roa hoki ia e mahi ana i SIT, hei kaiako Akoranga Pakihi i te Kuratini o Murihiku me tētahi wā anō i runga i te Kaunihera.
Ko Alison te CEO tuatahi o Southland REAP, ā, he mema hoki ia o te NZ Commission for UNESCO, he whānui hoki tana whai wāhi ki ngā kaupapa mātauranga auaha mō ngā wāhine, kōhine hoki. Koia te heamana o mua o Community Trust South, me te Heamana Tuarua o tēnei wā o te Southland Conservation Board.
Murray Donald – Heamana Tuarua
Ko Murray tētahi Pūkenga Whai Mana o te New Zealand Institute of Directors, ā, he tautōhito hoki ia mai i ngā hinonga hiranga whai take ki te ōhanga o Aotearoa.
Ko āna tūranga kaitiaki o mua ko te Kaiwhakahaere Director o te rōpū Alliance Ltd, Heamana o te Rōpū Alliance Trustee Ltd, he Kaiwhakahaere o FMG Insurance, te heamana hoki o te komiti Audit and Risk me te Kaiwhakahaere o Farmlands Co-operative Society Ltd.
I tēnei wā ko Murray tētahi Tarahiti o Agri Women’s Development Trust, te Heamana o Mt Linton Station Ltd me tētah mema kaunihera o SIT. I ngā tau 30 kua hipa ake kua whakapau kaha a Murray rāua ko tana hoa rangatira a Carolynn ki te whakawhanake, te whakawhānui hoki i tētahi pāmu whakatipu reme, piwhi hoki i Murihiku.
Janet Copeland
Ko Janet te Kaiwhakahaere Matua o Copeland Ashcroft Law, tētahi umanga tukumahi, manene mai, hauora, haumaru hoki me āna tari puta noa i Aotearoa.
Neke atu i te 25 tau a Janet e mahi ana i roto i ngā mahi ture ā-tukumahi, hauora, haumaru hoki. Kua whai wheako whānui ia i ngā rāngai perā i ngā hākinakina ā-motu, ngā tīma poitarawhiti, te mātauranga matua me te kāwanatanga ā-rohe mō ngā tau 23 kua hipa ake. I tēnei wā ko ia te Perehitini o te Southland Branch o te Kāhui Ture o Aotearoa.
He mema Kaunihera o mua a Janet o SIT, tuatahi, hei kopounga ā-minita, ā, nō ngā tau tata nei hei kopunga ā-hapori. I nohio ia i runga i te Komiti Hauora, Haumaru hoki, me te komiti Tiaki Pūtea, Tātari Kaute hoki mō SIT ā, he mema motuhake, he Heamana Tuarua o te Komiti Tātari Kaute, me Te Tūpono Raru Ka Pā Mai o te Kaunihera o Ōtepoti. Kei Waihopai a Janet e noho ana, ā, he kaihāpai ngākaunui ia o te mātauranga ahumahinga.
Barry Jordan
He Pūkenga Kaitiaki Kaute Whai Mana a Barry e mahi ana hei takawaenga arumoni. Kua mahi ia hei kaitiaki kaute whakawā, he kaiwhakarite pakihi pakaru, he kaitakawaenga arumoni hoki, e tino matatau ana ia ki ngā mahi whakatau tikanga ahakoa he mārō te āhua.
I roto i āna mahi, kua whai wāhi a Barry ki te maha o ngā tirotirohanga rongonui, he āritarita, tōtika, mahi tinihanga hoki hei hoa mahi i Deloitte (mai i 2008 ki 2018) me McCallum Petterson (mai i 2001 ki 2008). Kua ārahi hoki a Barry i ngā tūranga kaitiaki, whakahaere hoki i roto i ēnei umanga ratonga ngaio. I Hereturikōkā 2019, i kopoua ia hei Heamana o te Poari Mātāmua o NZIST.
Aimee Kaio
I tēnei wā, ko Aimee (Kāi Tahu, Te Arawa and Ngā Puhi) te Kaiwhakahaere, Tribal Economies i Te Rūnanga o Ngāi Tahu, e tautoko ana i te taiao ōhanga me ngā wawata oranga Ngāi Tahu whānui.
He mema hoki ia o te Kaunihera o SIT, he kaitaunaki kaha a Aimee i ngā hapori ā-rohe tino ora. Kua whai wheako a Aimee i ngā kaupapa pūtaiao, mātauranga, te taiao me te whanaketanga ōhanga, me tana noho ki ētahi poari kaitiaki hei painga anō mō tana whāinga hapori, ngaio, pū mātauranga hoki.
He rangatira hoki a Aimee o tētahi pakihi iti, ā, kei Awarua rāua ko tana tāne e noho ana me ā rāua tamariki, tana whānau whānui hoki.
Darren Rewi
I whānau mai a Darren (Waitaha, Ngāti Māmoe, Ngāi Tahu, Ngāti Kahungungu ki te Wairoa) i Waihopai, engari kei Wakatipu ia e noho ana i tēnei wā. Kei te noho ia ki ētahi poari hei māngai mō te hapori, mō te iwi hoki, hei Tarahiti Whakahaere hoki mō Oraka Aparima Runaka.
Ko ia te Heamana o Southern Zone Rugby League me te Heamana Tuarua o Arts Murihiku me te māngai whānau mō te Queenstown Community Hub Trust. He Kaiwhakahaere hoki ia o tētahi pakihi ā-whānau, pakihi Hauora Mahi, Haumaru hoki kei Wakatipu.
E mahi ana hoki i roto i te hapori hei Kaiurungi Whānau Ora Navigator mō Uruuruwhenua Hauora ki Alexandra.