E kopoua ana e te Poari Mātāmua o New Zealand Institute of Skills and Technology Establishment Board (te Poari Mātāmua) ngā kaiwhakahaere mō ngā poari o ngā Pūtahi Āpitihanga, Kuratini hoki (ITP), ā, nō te 1 Paengawhāwhā 2020 i mana ai.
Kua whakaae mai ngā tāngata e whai ake nei kia noho hei kaiwhakahaere mō te poari o Wetec me Whitireia mai i 1 Paengawhāwhā 2020:
Justin Lester – Heamana
Linda Meade – Heamana Tuarua
Caitlin Barlow-Groome
Sue Hope
Kura Moeahu (Te Āti Awa)
Rainei Wineera-Parai (Ngāti Toa Rangatira)
“Ko te kopounga o tēnei o ngā Poari Kaiwhakahaere tētahi o ngā mahi nui hei wāihanga i tētahi pūnaha ahumahinga piritahi, mauroa hoki,” ki tā Barry Jordan, te Heamana o te Poari Mātāmua.
“Ko te korounga ia mā ēnei kopounga e taurite ai te taha whakahaere me te taha ki ngā hononga taketake ā-rohe, ā hapori hoki. E manawareka ana mātou i te momo o te tangata me ngā tirohanga rerekē kei ia poari, otirā ngā pūkenga me ngā tautōhito hei whakatinana i ngā hua pai mō ōna hapori, mō ōna hapori.”
Ko te hiahia o te Education (Vocational Education and Training Reform) Amendment Act ko te iti rawa kia tokowhā, engari kia kaua e nui atu i te tokowaru ngā kaiwhakahaere mō te poari tuatahi o ia āpitihanga ITP, ā, ko tētahi haurua o aua kaiwhakahaere me mātua noho ki roto i te rohe e ratoa ana e taua āpitihanga.
E kī ana a Justin Lester, Heamana Poari o WelTec me Whitireia “He mea tino whaitake te mātauranga ahumahinga me te whakangungu ki te ōhanga me te porihanga o Aotearoa me Te Whanganui a Tara mō ngā rā ki tua, ā, me whakarite he tūāpapa kaha e pūāwai ai te rangatahi. Kei te titiro whakamua au ki te hāpai i ngā kaimahi o WelTec me Whitireia ki te tuku i te whakatipuranga hou o ngā ringarehe, ngā tāngata metarahi, ngā kaimahi IT, ngā tāngata auaha, kaimahi manaaki tangata, me ngā kaipakihi.
“Ko te waihanga i tētahi kōtuituinga ā-motu me ngā kaituku akoranga, whakangungu ā-rohe tētahi huarahi whakaongaonga mō tō tātou whenua. Ko tō mātou whāinga he mātua whakarite kia tukua ngā akoranga me ngā whakangungu hei tautoko i ngā pakihi, ngā whakahaere, me ā rātou kaimahi kia whiwhi i ngā pūkenga e tika ana, kia aronui hoki mātou ki ngā hiahia o ngā tangata me ngā ahumahi."
Hei ārahi haere i te nekehanga atu i te wairua o te whakataetae ki te āhua o te kōtuituinga tuku ratonga ki tēnā, ki tēnā rohe, kua whakataungia e te Poari Whakapūmau kia noho tētahi mema o Kaunihera NZIST hei kaiwhakahaere ki ia poari āpitihanga ITP. Tērā e whiwhi ia poari tētahi tangata hei ‘kopounga poari-rua’. Ka whakataungia ēnei ingoa i te marama o Paengawhāwhā.
Mō te kōpou kaiwhakahaere i whai te Poari Whakapūmau i tā te Treasury anga kopounga kaiwhakahaere ki ngā poari o ngā kamupene Karauna. Neke atu i te 370 ngā tono i tae mai i waenga i te wā o te Kirihimete me te huringa o te Tau Hou.
Katoa ngā kopounga ki ngā poari āpitihanga i whakamanahia e te kaunihera NZIST i te 1 Paengawhāwhā 2020. Ka whakamanahia ngā mema o tēnei Kaunihera e te Minita Mātauranga, Hon Chris Hipkins, i mua i te mutunga o Poutūterangi.
Justin Lester – Heamana
Ko Justin Lester he kaipakihi, he kaitōrangapū kāwanatanga ā-rohe hoki kua whai wā kia noho hei Koromatua, hei Koromatua Tuarua o Te Whanganui a Tara.
He Kaiwhakahaere tautōhito, i tēnei wā ko ia te Hemana o Storbie me Good Bitches Baking. Ko āna tūranga kaitiakitanga o mua ko te Local Government New Zealand National Board, Wellington Waterfront Ltd, The NZ Festival of the Arts, me Zealandia. Kei te mahi ia i ngā pakihi tipu wawe o Dot Loves Data, Fix & Fogg me Simplicity.
Ko Justin he toa mō te Tohu Hapori mō te 2020 New Zealander of the Year, ā, kua whai he tohu paetahi LLM mai i te University of Heidelberg me te tohu paetahi LLB/BA mai i te Whare Wānanga o Otāgo.
Linda Meade – Heamana Tuarua
Kua noho a Linda hei hoa pakihi ki Deloitte mai i 2013, ā, ko ana tūranga ko Hoa Kaiārah Deloitte Access Economics, me Hoa Kaiārahi Public Sector, Financial Advisory Services.
He kaiwhakaara-takirua a Linda o ngā kura pūhou o Daisies Early Education and Care, he tarahiti hoki ia o Whanake Education Trust. E kaingākau ana ia ki te matauranga me te hāpai i te tōnuitanga ōhanga me te pai o te rohe o Te Whanganui a Tara hei wāhi noho.
Hei mema whakaara o te Poari Tohutohu ki te Women’s Infrastructure Network, ā, he kaiwhakahaere motuhake a Linda ki ngā poari o The NZ Initiative me Studio Pacific Architecture, he tarahiti o mua hoki ia o Wellington Zoo Trust.
Caitlin Barlow-Groome
Ko Caitlin Barlow-Groome te Kaiwhakahaere Tōpūtanga o Ngā Tauira o Massey. I mua koia te Perehitini i te Tōpūtanga Tauira o Te Whare Wānanga o Otāgo, te Perehitini Tuarua o te Huinga o ngā Tōpūtanga Tauira o Aotearoa me te Perehitini Whakakapi, ā, kua noho ia ki ngā poari me ngā komiti e hia nei pērā i te Kaunihera o Te Whare Wānanga o Otāgo me te Toa Pukapuka o taua Whare Wānanga.
Kua mahi kē a Caitlin ki ngā kaupapa tiaki pūtea, ōhanga, me te kaiārahitanga me te whanaketanga taiohi. I tēnei wā he mema poari ia o Student Job Search me te Pūtahi Kaiārahi Taiohi o Aotearoa.
Suzanne (Sue) Hope
Ko Sue he kaitohutohu, he kaiwhakarite, kaiwhakahaere hoki. Kua whai pūkenga kē ia ki te ako manatōpū ā-ao, te mahi me te tuku rautaki, i ngā tau 19 e mahi ana i roto i ngā rāngai hauora, mātauranga, pūmanawa tangata, me te rāngai hangarau i ngā tau tata nei. E mahi tahi ana ia me ngā kiritaki, ngā kaiārahi me ngā kaimahi hei whakatipu, i a rātou hei ākonga tūroa tonu.
E kaingākau ana ia ki te waihanga i tētahi rāngai kaha mō te ako i roto i te mahi, kia whai wāhi ngā kaimahi katoa ki te ako i te wā me te wāhi e hiahia ana. I tenei wā kei te mahi ia hei kaihokohoko takitahi e tohutohu ana i ētahi pakihi, whakahaere hoki mō te ako, te whanaketanga ā-whakahaere me te hurihanga. He tarahiti hoki ia o te Miramar Maupuia Community Trust.
Kura Moeahu
Kāhore anō kia wātea mai.
Ranei Wineera-Parai
E kaingākau ana a Ranei (Ngāti Toa Rangatira) ki te tautoko i ngā tāngata ki te whakatutuki i ō rātou hiahia mā te mātauranga. I tēnei wā ko ia te heamana o tētahi Poari Kura Tuarua, ā, he kaitaunaki kaha hoki ia i roto i tana hapori mō te māturanga me te ako.
E hiahia ana a Ranei ki te whakarite kia wātea tonu, kia tiki hoki ngā huarahi ahumahinga, ako mō te rohe o Te Whanganui a Tara ā, e ongaonga ana ia ki ngā huarahi hou e takoto mai ana i te whakahoutanga o te mātauranga ahumahinga.
I whānau mai a Ranei i Porirua, ā, kei Takapuwāhia, Porirua ia e whakatipu ana i tōna whānau. He oranga ngākau te noho ki roto i te poho o tōna whānua, te kāinga ātaahua me tana hapori ngahau.