Fonofale
“Identity is a massive thing. Embracing your identity is very individual to each person – it can come from who you are, what you believe in, your cultural background and your family upbringing.”
Ezra
Bachelor of Nursing
You can read this page in Tongan and English
O le Fonofale o se ālafua faa-Pasifika o le soifua maloloina ma le soifua manuia, e mafai ai ona e silafia le paleni ma le lelei e ala i le sailiili o mea uma o loo aafia ai lou lagona ma le ituaiga o tagata ua e iai.
O le 1984 na fatufatu mai ai e le afioga ia Fuimaono Karl Pulotu-Endemann le Fonofale, o se ālafua faa-Samoa e tāaofa’i uma ai ma feulua’i ai agatausili ma talitonuga mai le Atu Kuki, Toga, Fiti, Niue ma Toelau.
Ua mamanuina le Fonofale ina ia foliga mai o se fale (house). Pe afai e te mafaufau lelei i lenei ālafua pe tou te talatalanoa ai foi ma isi, e mafai ona faaata i lou mafaufau se fale o loo tu mausalī ma tu malosi – ae e moomia ona tausi lelei ma e moomia ona faaauau le tausiga, e pei lava o lo tatou soifua manuia.
“Fonofale is where leaders go.”
Pacific learner at Te Pūkenga
Taga’i i le ālafua ma e mafaufau pe faapefea ona fesootai mai vaega taitasi ia te oe, lou soifua, lou aiga ma i latou e pele ia te oe. O ā vaega o lou fale o loo malolosi? O ā ni suiga e te manao e fai? O fea vaega e te ono moomia ai se lagolagosua? E tofu uma i tatou ma ni aega e tatou te malolosi atu ai nai lo isi – o le sailia o ni auala, pe laiti ae tele se aogā, ina ia faamalosi ai lou fale, e mafai ona telē le aafiaga i le auala e te a’oa’oina ai mea ma ou faalogona i lou soifua i aso taitasi.
Fa’avae – Foundation
O le faavae o le fale, o le aiga.
E manatu nisi tagata, e faasino tonu lava le faavae i o latou lava aiga totino ma o latou aiga potopoto. Peitai e manatu le toatele, e lautele atu isi mea e faalagolago iai le faavae o lo latou soifua manuia nai lo na o latou aiga, ma faasolo atu i isi sootaga – o uo, tuaoi, tagata o latou aulotu, o ē pele o loo aumau i atunuu mamao, uo faigaluega ma isi tagata aooga. E soo se tasi lava e mafana i ai ou faalogona, poo ai lava e te faatāuaina ma amanaia. E mafai foi ona faasino atu lou faavae i lou talaaga, lau gagana, ou augātamā ma lou atunuu moni.
O le ā le uiga o le ‘aiga’ ia te oe? O le ā le aafiaga o au faiā i lou soifua manuia ma lou tomai e te suesueina ai a a’oa’oina mea fou? O le uunaia o faiā mausalī o se auala sili ona lelei lea e uuna’ia atili ai lou soifua manuia ma mafai ai ona e maua se faavae maua’a ina ia e tuputupu a’e o se tagata e a’oa’oina mea.
“My journey to dig into my culture has helped me to connect to traditional values around family, togetherness and community. It helps me feel I belong to something. It’s so deep and so rich.”
Matt
Bachelor of Landscape Architecture
Falealuga – Roof
O le falealuga o le fale e faamalumalu ai lou soifua manuia ma fai ma sui o lau aganuu, agatausili ma talitonuga mo lou soifuaga atoa.
O le ā le uiga o lenei foliga mo oe? Pe e te faaaogāina ou talitonuga ma agatausili faaleaganuu i lou soifua i aso taitasi, o agatausili mai isi aganuu, pe e te tuufaatasia nei mea uma? E faapefea ona e faaaofia lau aganuu, o agatausili ma ou talitonuga i lou olaga o se tagata a’oga? O le faamalosia ma le sailiilia o ou sootaga i lau aganuu, agatausili ma talitonuga, e fesoasoani lea ina ia e malamalama poo ai oe, ma e atili malosi ai foi lou lagona o loo amanaia oe, ma e tāua tele lena mo le maloloina o lou mafaufau ma lou soifua manuia. O ai e mafai ona e fesootai atu i ai ina ia faatalanoa ai lenei manatu?
“Spirituality for me is how I see the bigger picture, it’s what wakes me up in the morning, what makes me grateful, it’s what makes me happy. It’s how I can give happiness to other people.”
Joe
Bachelor of Performing and Screen Arts
Pou – Posts
E fesootai atu le tasi pou i le isi pou e faapena foi i le falealuga ma faavae o le fale.
-
fa’aleagaga (spiritual): e faapefea ona lagolagosua ou talitonuga i lou soifua manuia? E mafai ona tauala atu i se tapuaiga ua faatulaga lelei, se tapuaiga e fua lava i lagona ma manatu faaalia, poo se lagona e fesootai atu i le natura o mea, le lalolagi o loo siomia ai oe, ma lau gagana, lou talaaga ma lau aganuu. Pe o aafia le auala e te faamasani ai i mea poo le auala e te a’oa’oina ai mea, ona o mea o loo iai ou talitonuga?
- fa’aletino (physical): o faalogona o lou tino e iai le aafiaga i le atoaga atoa o lou soifua manuia. Pe ua e matauina se sootaga i le auala o loo iai ou faalogona faaletino ma le tulaga lelei o loo mafai ona faaauau ai au galuega mo au suesuega i lau a’oga?
-
mafaufau (mental): e iai aafiaga o le soifua maloloina o lou mafaufau i le atoaga atoa o lou soifua manuia. O faape’ī mai ou lagona i lou mafaufau? O faape’ī i ou lagona poo lou soifua maloloina faalemafaufau ona iai se aafiaga i ou tomai e a’oa’oina ma suesueina ai mea?
-
isi mea (other): e mafai ona faasino atu i soo se mea, e aafia tuusa’o pe lē tuusa’o foi i le auala e agai ai ou lagona ma le auala e te soifua ai i lenei lalolagi. E ono aofia ai le matua o lou soifua, lou itupa, lou tulaga tau tupe, soo se mea o loo avea ma vaega o oe. E faapefea i nei mea ona aafia ai lou a’oa’oina o mea?
“Connecting with nature is waking up in the morning, opening my windows and letting that fresh air come in. It’s a reminder that it’s a new day where I can just be myself or even try to help someone and make a difference.”
Ezra
Bachelor of Nursing
Cocoon
Ua siosiomia le fale i se cocoon ua faia i le siosiomaga, le taimi ma le aotelega o siomia ai. O nei mea uma e fetuuna’i ma aafia ai lou tagata, ma ou faalogona, ma e feulua’i aafiaga o nei mea taitasi.
- Siosiomaga: e faasino atu i lou sootaga i lou siosiomaga faaletino, o fea o loo e nofo ai, o fea o loo e faigaluega ai, o fea o loo e a’oga ai. O lē fea vaega e sili ona mafana lau sootaga atu iai? O le ā se mea e fesoasoani ina ia mafana atu ou faalogona ma e fiafia e auai i lou siosiomaga? E mafai faapefea i le suia poo le faamalosia o lenei sootaga ona fesoasoania i lou soifua manuia ma lagolagosua ia te oe ina ia mafai ona e gafatia ma onosaia taimi faigata?
- Taimi: e faasino atu i le taimi lea ua tatou iai tonu nei i le talafaasolopito. O ā mea o loo tutupu mo oe i le taimi lenei, o ā mea o loo tutupu i le lalolagi, ma ua faapefea ona afaina ai lou soifua manuia?
- Aotelega: e faasino atu i le aotelega o vaega eseese o loo siomia ai mea uma o loo e soifua ane ai. Atonu e faigata pe a mafaufau iai, ae lē moomia ona iai i se tulaga faapea. O fea le atunuu lena e te nofo ai? Pe ese le atunuu lena mai le atunuu sa e fanau ma ola ane ai? E faapefea i na mea ona aafia ai le ituaiga o tagata o iai oe? O le ā se aafiaga o polokiki ia te oe?
